Furor ukraincaŭ u Ispanii — u adnym matčy Doŭbik zabiŭ try hały, Cyhankoŭ — dva. VIDEA
Ich «Žyrona» ŭ apošnim siezonie pieramahła supiernika ź likam 7:0.
Matč apošniaha tura čempijanatu Ispanii pamiž «Žyronaj» i «Hranadaj» skončyŭsia z razhromnym likam — 7:0. Admietnaść situacyi ŭ tym, što ažno piać hałoŭ zabili ŭkrainskija futbalisty. Na rachunku Arcioma Doŭbika try hały, jašče dva zabiŭ Viktar Cyhankoŭ.
Dziakujučy ich udałaj hulni na praciahu siezona «Žyrona» — kamanda-sieradniak — zaniała treciaje vynikovaje miesca i ŭpieršyniu ŭ historyi prabiłasia ŭ Lihu čempijonaŭ.
A Doŭbik pakul zachoŭvaje pieršynstvo ŭ śpisie najlepšych bambardziraŭ. Jon nakałaciŭ 24 hały. Praŭda, u jaho kankurentaŭ jašče hulnia ŭ zapasie.
Ukrainski futboł zaraz na vidavočnym uzdymie — spartsmieny hulajuć za jeŭrapiejskija top-kłuby. Dla paraŭnańnia, najlepšyja ź biełarusaŭ vystupajuć za kamandy z Hrecyi, Izraila, Polščy i Rasii. U Lizie čempijonaŭ nivodnaha našaha suajčyńnika niama.
Kamientary