«Prosta škodnictva niejkaje!» U Viciebsku kamunalščyki źniščyli kłumby, što zrabili žychary
Skarha na pracu supracoŭnikaŭ ŽEU № 9 zjaviłasia na sajcie vitebsk.biz. Žychary doma pa vulicy Žastkova aburanyja tym, što buldozier źniščyŭ kłumby, za jakimi miascovyja žychary dahladali hadami.
«Siońnia da nas u dvor na Žastkova pryjechaŭ buldozier, pryjšli supracoŭniki ŽEU-9 i vytraśli z šynaŭ usie našy kvietki, jakija my raścili šmat hadoŭ. Majstar skazała, u jaje pastanova. Voś i staŭleńnie da ludziej i ich pracy. Sami ničoha nie robiać, navat liście z vosieni lažała, hniła da viasny, dyk i nam nie dajuć akulturyć svoj dvor… Voś butelki i śmiećcie pa ŭsim dvary — heta narmalna, a kvietki ŭ šynach — heta drenna», — pišuć aŭtary skarhi.
Ludzi aburajucca, što ŭ tyja kłumby było ŭkładziena šmat ich pracy, jany kuplali nasieńnie, rasadu, što padsadžvali ŭ hetyja kłumby.
«I samaje cikavaje, što za złamanuju halinku bezu praduhledžany štraf, a pierakapać buldozieram kłumbu, heta narmalna. Prosta škodnictva niejkaje, usio dla ludziej!» — pišuć žychary doma pa vulicy Žastkova, 16.
Kanał «Vitiebsk, ja hulaju!» udakładniaje, što heta vyniki pracy novaha mera horada Hienadzia Sabyniča, pryznačanaha ŭ kastryčniku 2023 hoda.
«Sabynič prapanavaŭ prybrać usie samatužna vyrablenyja nasadžeńni ŭ dvarach horada, kali jany vykanany nie z hustam. U jakaści kryteryju zabaronienaha byli paznačany i kvietniki ŭ šynach. Voś dniami ŭ dvor doma pa vuł. Žastkova, 16 pryjechaŭ buldozier, jaki vykarčavaŭ usie takija kvietniki», — napisali aŭtary kanała.
Žycharka Homiela pakazała našeście mošak u svaim domie. Miortvych nasiakomych pryjšłosia vymiatać uvieś dzień
U Kryžoŭcy nie ŭpieršyniu sprabujuć zdać pałac, šykoŭnych interjeraŭ jakoha saromiejucca navat ryełtary FOTY
U minskim delfinaryi delfin padčas šou vylecieŭ za kraj basiejna ŭ hladzielnuju zału
Jak paśla kanca śvietu. Ahrasiadzibu ŭ Salihorskim rajonie zaniesła ziamloj3
Kamientary