Minčuka sudziać za «zakliki da sankcyj» — jamu pahražaje da 12 hadoŭ kałonii
U Biełarusi za «zakliki da sankcyj» asudzili ŭžo minimum 104 čałavieki.
U Minskim haradskim sudzie 27 maja raspačynajecca sud nad palitźniavolenym Dźmitryjem Cikunovym. Jaho abvinavačvajuć u «raspalvańni inšaj sacyjalnaj varožaści» (č. 1 art. 130 KK) i «zaklikach da sankcyj» (č. 3 art. 361 KK). Sutnaść abvinavačvańnia pravaabaroncam nieviadomaja. Mužčynu pahražaje da 12 hadoŭ źniavoleńnia, piša «Viasna».
Spravu razhladaje sudździa Alena Ananič, na rachunku jakoj nie mienš za 17 asudžanych palitźniavolenych pa kryminalnych artykułach.
U Biełarusi za «zakliki da sankcyj» asudzili ŭžo minimum 104 čałavieki (u bolšaści — u sukupnaści z abvinavačvańniami pa inšych artykułach).
Padtrymajcie viaźnia: SIZA-1, 223016, Navadvorski sielsaviet, 143/4, v. Paškovičy, Minski rajon, Minskaja vobłaść, Dźmitryj Siarhiejevič Cikunoŭ
Kamientary