Śviatłana Cichanoŭskaja dała ekskluziŭnaje intervju BBC, dzie pavyšanuju ŭvahu nadała prablemie palityčnych źniavolenych u Biełarusi, a taksama vyklikam, ź jakimi sutykajucca ludzi za kratami.
«U nas tysiačy palityčnych źniavolenych za kratami, i heta samaja balučaja častka našaj baraćby, kali ludzi pakutujuć za kratami z-za drennaha abychodžańnia. U nas jość śpis ludziej ź ciažkimi zachvorvańniami, ludzi z asablivymi patrebami, jakija pazbaŭlenyja jakoj-niebudź miedyčnaj dapamohi. My vymušanyja byli vyvučyć termin «režym inkamunikada». Jon aznačaje, što ludzi, jakija znachodziacca za kratami, utrymlivajucca ŭ poŭnaj izalacyi, heta tyčycca i majho muža. Pra ich niama nijakaj infarmacyi — advakataŭ nie puskajuć, listoŭ nie dastaŭlajuć. Ja nie viedaju, što adkazać svaim dzieciam pra tatu. I takich ludziej šmat», — skazała ŭ intervju Cichanoŭskaja.
Pry hetym, pavodle jaje słoŭ:
«Režym choča pierakanać našych hierojaŭ za kratami, što śviet pra ich zabyŭsia, što pra ich nichto nie dumaje […] — vašaja achviara była marnaj. I ja vielmi chaču, kab u śviecie hučna zahavaryli pra palitviaźniaŭ i humanitarnuju situacyju ŭ Biełarusi, kab ludzi nie adčuvali siabie zabytymi ŭ našaj krainie».
Pry hetym Cichanoŭskaja padkreśliła:
«My suprać dyktatury, suprać vajny va Ukrainie i ŭdziełu našaj krainy ŭ hetaj vajnie.
My chočam svabodnuju niezaležnuju demakratyčnuju Biełaruś praz sumlennyja vybary. My žadajem vyzvalić našych ludziej z turmaŭ, viarnucca dadomu i pačać raźvivać našu krainu jak častku jeŭrapiejskaj siamji.
Tamu nieskładana abjadnać ludziej, jakija majuć adnu metu. Usie razumiejuć: zaraz nie čas dla kankurencyi — zaraz čas zmahacca z ahulnym voraham, dyktataram i jaho sistemaj».
Toje, što ciapier adbyvajecca ŭ Biełarusi, nacyjanalnaja lidarka aceńvaje jak «paŭzučuju akupacyju». U jaje ŭmovach rasijanie
«ŭmiešvajucca ŭ našuju kulturu, našyja ŚMI, ekanomiku, adukacyju, kab krok za krokam padparadkavać našu nacyju. I tolki mocnaja nacyjanalnaja identyčnaść, mocnaje hramadstva dapamohuć nam paźbiehnuć hetaj rusifikacyi».
«My bolš, čym susiedzi». Cichanoŭskaja pavinšavała Naŭsiedu ź pieramohaj na vybarach
«Navat babarykancy, jakija jak by architektary vybaraŭ u KR, chočuć ruchać Cichanoŭskuju ŭ niejki bok»
Cichanoŭskaja: Vybary ŭ KR — heta pieršaja sproba arhanizavać niezaležny vybarčy praces, čaho biełarusy byli pazbaŭlenyja dziesiacihodździami
Cichanoŭskaja abjaviła pra praviadzieńnie treciaj kanfierencyi «Novaja Biełaruś»
«This f*cking AI». Pierakładčyk Łukašenki pry prezidencie AAE vykarystaŭ niedypłamatyčnaje słova8
Kamientary