Fota: OSC
«Siońnia pačałosia hałasavańnie na vybarach u Kaardynacyjnuju radu. I ja ŭdziačnaja ŭsim, chto vyłučajecca i hałasuje. Taksama dazvolcie vykazać słovy padtrymki ŭsim, chto ŭžo zaznaŭ represii za ŭdzieł u kampanii, novyja kryminalnyja spravy i pieraśled blizkich. Režym praciahvaje zapałochvać i sprabuje sarvać demakratyčny praces, bo bačyć u hetym pahrozu svajoj złačynnaj uładzie.
Ja viedaju i baču ŭsie chiby i niedaskanałaści vybaraŭ i sistemy hałasavańnia. Ale heta pieršaja sproba Kaardynacyjnaj rady arhanizavać niezaležny vybarčy praces — čaho biełarusy pazbaŭlenyja byli dziesiacihodździami.
Kaardynacyjnaja rada — nieadjemnaja častka struktury demakratyčnych siłaŭ. Heta płatforma dla sprečak i dyskusijaŭ, jakaja daść mahčymaść biełarusam upłyvać na rašeńni svaich lidaraŭ. Kaardynacyjnaja rada pavinna adkazvać na zapyty biełarusaŭ, abaraniać ich intaresy. I mnie b chaciełasia tam čuć i bačyć roznyja hałasy, novyja idei i ludziej z roznymi pohladami. My — usie roznyja, ale ŭ nas adna meta — svabodnaja Biełaruś.
Dziakuj kožnamu z vas za padtrymku, vašuju mužnaść i ciarplivaść», — havorycca ŭ zvarocie Śviatłany Cichanoŭskaj.
Čytajcie taksama:
Mahutnuju načnuju DDoS-ataku padčas vybaraŭ u Kaardynacyjnuju radu paśpiachova adbili
Palityka sprava moža i brudnaja, ale miesca maralnym normam jość i ŭ joj. Razvahi da kiejsa Azarava
