U bresckaj aŭtaškole kursantaŭ vučyŭ instruktar, pazbaŭleny pravoŭ kiroŭcy
U adnoj z aŭtaškoł Bresta praktyčnamu kiravańniu kursantaŭ navučaŭ instruktar, pazbaŭleny prava kiravać transpartnym srodkam. Heta vyśvietliłasia padčas praviedzienych DAI abłasnych rejdaŭ «Vučebny aŭtamabil».
Jak paviedamiła načalnik adździaleńnia ahitacyi i prapahandy abłasnoj DAI Natalla Sacharčuk, 35‑hadovy instruktar byŭ pazbaŭleny pravoŭ u vieraśni 2007 hoda za kiravańnie aŭtamabilem u niećviarozym stanie.
Ustanoŭlena, što jon byŭ pryniaty na pracu padmiennym instruktaram 14 studzienia 2010 hoda ŭ Bresckuju abłasnuju aŭtaškołu «BTAMA», dzie pavinien byŭ pracavać pa 31 studzienia. Toje, što jon byŭ pazbaŭleny pravoŭ, jamu ŭdałosia ŭtaić.
Padčas rejdaŭ vyjaŭlena jašče niekalki faktaŭ. Tak, u Pinsku instruktar aŭtaškoły staŭ vinoŭnikam DTZ. U Łunincy byŭ zatrymany instruktar na vučebnym aŭtamabili za pieravyšeńnie chutkasnaha režymu zvyš 30 km.
Usiaho padčas takich rejdaŭ supracoŭnikami DAI rehijona vyjaŭlena 20 parušeńniaŭ Praviłaŭ darožnaha ruchu vučebnymi aŭtamabilami, zaznačyła načalnik adździaleńnia abłasnoj DAI. Pa vynikach rejdaŭ dvum aŭtaškołam vydadzieny pradpisańni.
Meta praviedzienych rejdaŭ — prakantralavać ekspłuatacyju vučebnych aŭtamabilaŭ i chod vučoby navučencaŭ aŭtaškoł rehijona.
Kali Kanapackaja stała całkam padkantrolnaja Łukašenku?22
Kamientary