ZŠA aficyjna ŭnieśli Biełaruś u śpis dziaržaŭ — sponsaraŭ handlu ludźmi
Adpaviednuju infarmacyju pradstaviŭ dziaržsakratar ZŠA Entani Blinkien u svajoj štohadovaj spravazdačy. Voś što tam skazana pra Biełaruś.
Dziarždepartamient ZŠA ŭnios Biełaruś i Rasiju ŭ śpis dziaržaŭ — sponsaraŭ handlu ludźmi, havorycca ŭ spravazdačy viedamstva, jakoje było pradstaŭlena ŭčora, pieradaje «Hołas Amieryki».
U tekście, padrychtavanym Dziaržsakratarom ZŠA Entani Blinkienam, adznačajecca, što Biełaruś praciahvaje spansavać i sadziejničać masavaj mihracyi z trecich krain, padviarhajučy mihrantaŭ značnaj ryzycy ekspłuatacyi i handlu. Takoj ža ryzycy padviarhajucca ŭkrainskija ŭciekačy i niezakonna departavanyja ŭkrainskija dzieci, havorycca ŭ spravazdačy.
Akramia taho, ZŠA kanstatujuć skaračeńnie kolkaści rasśledavańniaŭ u Biełarusi datyčna handlu ludźmi, adsutnaść spravazdač pa adpaviednych spravach razam z adsutnaściu dapamohi achviaram padobnaha handlu. Asobna padkreślivajecca prymus da pracy tysiač ludziej, asabliva palitźniavolenych, a taksama masavaje zadušeńnie hramadzianskaj supolnaści i tych arhanizacyj, jakija padtrymlivali achviary handlu ludźmi.
Usiaho Dziarždepartamient, akramia Biełarusi i Rasii, vyznačaje jašče 11 krain, ułady jakich zaachvočvajuć albo finansujuć handal ludźmi. Heta Afhanistan, Mjanma, Kitaj, Kuba, Erytreja, Iran, Paŭnočnaja Kareja, Paŭdniovy Sudan, Sudan, Siryja i Turkmienistan.
Dziejnaść vyšejpieraličanych krain, pavodle spravazdačy, uklučaje ŭ siabie handal ludźmi ŭ ramkach dziaržaŭnych prahram, prymusovuju pracu ŭ dziaržaŭnych miedycynskich ustanovach, seksualnaje rabstva va ŭradavych łahierach, a taksama vykarystańnie albo viarboŭku dziaciej-sałdat.
Z poŭnym tekstam spravazdačy Dziarždepa ZŠA pa handli ludźmi (na anhlijskaj movie) možna aznajomicca pa spasyłcy.
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha16
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary