Za niehatyŭny kamientar pra Łukašenku žycharku Mahilova asudzili da 1,5 hoda kałonii
U sudzie Leninskaha rajona Mahilova da adnaho hoda i šaści miesiacaŭ kałonii za niehatyŭny kamientar pad fatahrafijaj Łukašenki ŭ čacie asudzili Alenu Dubroŭskuju. Sudździa Alena Litvina 17 krasavika pryznała jaje vinavataj pavodle č. 1 art. 368 Kryminalnaha kodeksa, piša «Viasna».
Ilustracyjnaje fota
Pavodle viersii abvinavačvańnia, Alena Dubroŭskaja pad pastom z fatahrafijaj Alaksandra Łukašenki, apublikavanaj u «ekstremisckim» čacie, raźmiaściła niehatyŭny kamientar suprać hetaj asoby, vykarystoŭvajučy nienarmatyŭnuju leksiku. Na sudovym pasiadžeńni žančyna całkam pryznała vinu.
U vyniku sud Leninskaha rajona Mahilova asudziŭ jaje da adnaho hoda i šaści miesiacaŭ pazbaŭleńnia voli ŭ papraŭčaj kałonii va ŭmovach ahulnaha režymu. U Aleny taksama kanfiskavali mabilny telefon jak «srodak ździajśnieńnia złačynstva».
Alena Dubroŭskaja padavała apielacyjnuju skarhu, ale ŭ biełaruskich umovach heta nijakaha sensu zvyčajna nie maje. U jaje vypadku apielacyjny razhlad vyniku taksama nie daŭ.
Jašče adzin źvierski prysud. Nastaŭnicy Darji Chmialnickaj dali 5,5 hadoŭ za padtrymku Ukrainy i ŭdzieł u pratestach
Eduarda Babaryku buduć sudzić pa novaj kryminalnaj spravie
U Homieli zvolnili dvuch ankołahaŭ paśla sutak za ekstremizm. Adzin ź ich — kandydat navuk, vydatnik achovy zdaroŭja Biełarusi
Kali Kanapackaja stała całkam padkantrolnaja Łukašenku?22
Kamientary