Śviet1717

Padčas debataŭ z Trampam Bajden zhadaŭ Biełaruś

«Što ź joj adbudziecca, kali Pucin pieramoža?»

Donald Tramp i Džo Bajden pad čas debataŭ u studyi telekanała CNN. Kadr z žyvoha efiru

Pad čas vialikich debataŭ u studyi CNN Donald Tramp i Džo Bajden zakranuli temu vajny va Ukrainie. 

U svajoj pramovie Tramp zajaviŭ, što «Ukraina stračvaje vielmi šmat sałdat na poli boju, zabiraje ŭ ZŠA šmat srodkaŭ» i što Rasija pieramahaje ŭ vajnie. Palityk skazaŭ, «što vajny b nie było, kali b Pucin pavažaŭ Bajdena», i znoŭ nahadaŭ pra svoj płan chutka skončyć kanflikt adrazu paśla pieramohi na vybarach, «navat nie zachodziačy ŭ Bieły Dom».

Pry hetym Tramp nazvaŭ niadaŭnija mirnyja prapanovy Pucina «nieprymalnymi dla ZŠA». I dapuściŭ, što Rasija zachopić usiu Ukrainu.

U adkaz na heta Bajden abvinavaciŭ Trampa «ŭ pravakavańni Treciaj suśvietnaj vajny, jakaja moža pačacca z zachopu Kijeva Rasijaj», a taksama ŭ tym, što «Tramp źbirajecca vyvieści ZŠA z NATA».

Bajden adznačyŭ, što «Rasija na adnoj Ukrainie nie spynicca» i što «vajna raspaŭsiudzicca na inšyja krainy i navat na ŭvieś śviet», zhadaŭšy pry hetym Biełaruś.

«Pucin — vajenny złačyniec, jon zahubiŭ tysiačy ludziej. I jon śćviardžaje, što chacieŭ by adnavić savieckuju impieryju. Jamu nie patrebnaja častka Ukrainy, jamu patrebnaja ŭsia Ukraina. Jon nie spynicca tam, kali zachopić Ukrainu. Što adbudziecca z Polščaj, Biełaruśsiu, z krainami NATA? Treba razumieć, na što jon raźličvaje», — zajaviŭ padčas debataŭ prezident ZŠA Džo Bajden.

Potym Bajden jašče raz padkreśliŭ, što «ŭ vypadku pieramohi Rasii taja budzie pahražać Biełarusi».

Kamientary17

  • Acab
    28.06.2024
    Ŭ adnym narysie spadara Arłova apisana, jak toj spytaŭsia ŭ niejkich dziaržsłužačych, čaho ŭ Voršy (a mo i ŭ Vićbiesku,niaistotna) jość vulica Kasmanaŭtaŭ, a vulicy niekaha tam heroja ŭ vačoch spadara Arłova niama. Jakoje naahuł majuć kasmanaŭty da Voršy dačynieńnie.Na što atrymaŭ: "Jany nad Voršaju pralatali".
    A Tramp ŭ debatach zhadaŭ Biełaruś.
  • Niechta
    28.06.2024
    Tramp małojca, kaža spravu, prapanoŭvaje realnyja kroki, a Bajden levak i papulist, ničoha nie robić tolki hałosić
  • zmahar
    28.06.2024
    A stary dzied Bajden tolki pračnuŭsia ad piensijanierskaha snu, kali Biełarusi ŭžo niama, bo jana pad akupacyjaj i faktyčna ničym nie adroźnivajecca ad DNR-ŁNR?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»6

Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»

Usie naviny →
Usie naviny

«Usio skončana». Ukrainskija vajskoŭcy raskazali pra adstupleńnie z Kurskaj vobłaści8

Na adnym z samalotaŭ «Biełavija» adklučyłasia sistema papiaredžańnia sutyknieńniaŭ u pavietry

Japonca Nakanisi Masatosi asudzili ŭ Biełarusi da 7 hod kałonii 3

ZŠA prypyniaje finansavańnie «Radyjo Svaboda» i telekanału «Nastojaŝieje vriemia» z 1 krasavika?8

U Minsku zaŭvažyli BMW z pryhožym numaram i «vośmym» rehijonam FOTAFAKT3

Niepaŭnaletniaja dziaŭčyna ździejśniła samahubstva na ŭpiscy ŭ Bresckaj vobłaści

Dačka pres-sakratara Pucina vyjšła zamuž i źmianiła proźvišča12

«Heta dobry znak salidarnaści». Tadevuš Kandrusievič padziakavaŭ za toje, što ludzi malilisia za jaho zdaroŭje

Litoŭskija elity ličać hałoŭnym vyklikam dla krainy pahrozy z boku Biełarusi i Rasii5

bolš čytanych navin
bolš łajkanych navin

Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»6

Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»

Hałoŭnaje
Usie naviny →

Zaŭvaha:

 

 

 

 

Zakryć Paviedamić