U novym vypusku TOKu eks-kandydat u prezidenty Alaksandr Milinkievič raskazaŭ, jakuju pamyłku Viktara Babaryki jon ličyć hałoŭnaj i ci hałasavaŭ by za jaho.
Pa słovach Alaksandra Milinkieviča, Viktar Babaryka jak palityk «vyhladaje ščyrym, naiŭnym».
«Ja dumaju, što jon sapraŭdy ličyŭ, što kali sumlenna pastupać na vybarach i pravodzić kampaniju, to nie budzie represij. (…) Chiba jon nie viedaŭ, jak represavali ludziej, jakija ŭdzielničali ŭ vybarach, mirna ŭsio rabili. Im pieraškadžali namiertva».
Milinkievič dapuskaje, što ŭ Babaryki mahli być sustrečy ŭ Maskvie, bo «jon sychodziŭ ź vielmi vysokaj namienkłaturnaj pasady. Tak prosta ludziam nie dazvalajuć pajści palityku ŭ čužoj dziaržavie. A jon byŭ u Hazprambanku».
Pry hetym palityk padkreślivaje, što nikoli nie ličyŭ Babaryku ahientam ci zdradnikam i źbiraŭsia za jaho hałasavać.
«Jon prafiesijanał, finansist, ekanamist. Babaryka dakładna b zrabiŭ reformy. Jon, napeŭna, nie zdaŭ by niezaležnaści Biełarusi. Nie viedaju, ci rabiŭ by jon miakkuju biełarusizacyju, jakaja tak važnaja dla identyčnaści i samaśviadomaści. Jon nie kazaŭ, što vystupaje za jeŭraintehracyju. Ale byvaje, što takija ludzi ŭ pierachodny čas ad dyktatury da demakratyi mohuć być karysnymi».
U jakaści prykładu Milinkievič zhadaŭ pieršaha sakratara CK kampartyi Litvy Alhirdasa Brazaŭskasa, jaki staŭ pieršym prezidentam Litvy.
Hladzicie całkam:
Milinkievič: Kiepska, što Cichanoŭskaja nie razumieła, čyj Krym. Ale jana prajšła evalucyju
«Viedaju jaho 25 hadoŭ». Milinkievič — pra pamierłaha haradzienca Dzianisa Švyrkina, čyjo serca nie vytrymała ŭ emihracyi
Ci moža namienkłatura staroha režymu padtrymać ruch za pieramieny? Voś što nam kaža prykład Litvy
Arhiencinski padletak napisaŭ płan zabojstvaŭ pa-biełarusku i prynios u škołu zbroju1
Kamientary