Šaniec — adzin na miljon: kula, jakaja lacieła ŭ Trampa, trapiła na fota
Zdymak padčas zamachu na eks-prezidenta ZŠA zrabiŭ viadomy fatohraf The New York Times. Jon raskazaŭ, jak tak atrymałasia.
![](http://nashaniva.com/img/w840d4webp1/photos/z_2024_07/trump_getty240714-xafs4.jpg.webp)
Fotakarespandent The New York Times Dah Miłz pracavaŭ na pieradvybarnym mitynhu Donalda Trampa ŭ Piensilvanii. Padčas zamachu na eks-prezidenta jamu ŭdałosia zrabić nievierahodny zdymak: na fota trapiła kula, jakaja lacieła pobač z hałavoj palityka.
Doug Mills, un fotógrafo de The New York Times, pareció captar una imagen de una bala pasando junto a la cabeza de Donald Trump, según ha declarado un ex agente del FBI. https://t.co/pMUCrbmljs
Miłs stajaŭ prosta pierad scenaj. Jon pracavaŭ ź ličbavaj kamieraj Sony i zdymaŭ ź vielmi karotkaj vytrymkaj 1/8000 — pry takoj vytrymcy ruchomyja pradmiety zachoŭvajuć u kadry dobruju vyraznaść, piša «Mieduza».
«Ja rabiŭ zdymki, i tady pačalisia vopleski. I tak atrymałasia, što ŭ hety momant moj palec byŭ na knopcy fotaaparata. Ja čuŭ vopleski i prosta praciahvaŭ zdymać.
Ja nie viedaŭ, ci trapiła što-niebudź u abjektyŭ, ale kali ja zapampavaŭ fatahrafii ŭ svoj noŭtbuk, ja ŭbačyŭ kulu, jakaja lacić kala jahonaj hałavy. Heta dakładna była kula, tamu što jaje nie było na papiarednim kadry i nie było na nastupnym», — raskazaŭ Miłz.
Były supracoŭnik FBR zajaviŭ u intervju the New York Times, što šaniec zrabić taki zdymak — «adzin na miljon». Navat kali vykarystoŭvać śpiecyjalnyja kamiery z ultrakarotkaj vytrymkaj i zahadzia viedać, kali buduć zroblenyja streły.
Pry stralbie ź vintoŭki AR-15, jakuju vykarystaŭ napadnik na Trampa, kula lacić z chutkaściu prykładna 970 mietraŭ za siekundu, heta značyć pry vytrymcy 1/8000 za čas, kali zatvor kamiery adkryty, jana pralataje 10-15 santymietraŭ.
Miłz — viadomy amierykanski fotakarespandent. U jaho jość dźvie Pulitceraŭskija premii, jakija jon atrymaŭ u 1990-ja za aśviatleńnie pieradvybarnaj kampanii Biła Klintana i skandału z Monikaj Lavinski.
Kamientary