Rasstreł ukrainskimi vajskoŭcami rasijanina, jaki kaža «svaje, bł***». Što viadoma
Na kadrach vidać, jak u pracesie začystki adzin z bajcoŭ rasstrelvaje rasijskaha sałdata, jaki chavajecca ŭ blindažy.
15 lipienia ŭ svaim telehram-kanale bajcy 12-j bryhady śpiecyjalnaha pryznačeńnia «Azoŭ» raźmiaścili videa, jakoje supravadžajecca tekstam: «U novym videa — začystka rasijskich pazicyj i źniščeńnie piachoty voraha. Strałkovyja bai na adlehłaści mienš za 10 mietraŭ, zakidvańnie blindažoŭ hranatami i likvidacyja akupantaŭ u ich norach».
Uvaha, u videa jość žorstkija kadry.
Na kadrach vidać, jak u pracesie začystki adzin z bajcoŭ rasstrelvaje rasijskaha sałdata, jaki chavajecca ŭ blindažy. Toj nie supraciŭlajecca, ale i nie trymaje ruki ŭharu, što mahła b śviedčyć pra toje, što jon zdajecca. Bolš za toje, paśla pieršaha strełu jon paśpiavaje skazać «Svaje, bł***». Mahčyma, jon uvohule nie razumieŭ, chto pierad im, rasijski ci ŭkrainski sałdat.
Maskva vykarystoŭvaje kadry hibieli rasiejskaha bajca dla nahniatańnia strachu pierad zdačaj u pałon i nianaviści da ŭkraincaŭ.
Pres-sakratar prezidenta Rasii Dźmitryj Piaskoŭ, kamientujučy hety fakt, zajaviŭ: «Fašysty jość fašystami, ich treba źniščać. Zrazumieła, našy hieroi na pieradavoj tak i robiać».
Za pieryjad vajennych dziejańniaŭ abodva baki kanfliktu nie adzin raz abvinavačvali adzin adnaho ŭ vypadkach parušeńnia zakonaŭ i zvyčajaŭ vajny.
Naprykład, 10 lipienia źjaviłasia videa ab rasstrele rasijanami pad Rabocinam dvuch ukrainskich sałdat, jakija zdalisia ŭ pałon.
A hazieta The New York Times 6 lipienia hetaha hoda pryvodziła apovied miedyka mižnarodnaha dobraachvotnickaha atrada va Ukrainie pra vypadki rasstrełaŭ ukrainskimi vajskoŭcami rasijskich.
Va Ukrainie rasśledujuć zabojstva rasiejcami biazzbrojnych bajcoŭ USU, što zdavalisia ŭ pałon
«Paprasili cyharety i strelili ŭ hałavu». Historyi raspraŭ nad mirnymi žycharami Ukrainy
Ukraina abvinavaciła Rasiju ŭ zabojstvie vajskoŭcaŭ, jakija zdalisia ŭ pałon
Źjaviłasia videa z rasstrełam vajskoŭca, jaki kaža «Słava Ukrainie». Što pra heta viadoma?
«Padlik hałasoŭ jak sataniscki rytuał». Były člen kamisii raskazaŭ, jak u Biełarusi falsifikujuć vybary11
Kamientary