Na stalicu abrynułasia zaleva, u horadzie transpartny kałapc.
Na Minsk z ranicy abrynułasia mahutnaja zaleva, pryčym u adroźnieńnie ad raniejšych časoŭ, kali mocnyja daždžy išli ŭ peŭnych rajonach, to siońnia kataklizm nazirajecca ŭ roznych kutkach stalicy: na Puškinskaj, Cimirazieva, praśpiekcie Pieramožcaŭ, Viery Charužaj i Kamaroŭskim rajonie, parka Čaluskincaŭ, a taksama kala HC «Jeŭropa» na Surhanava.
Z Baraŭlanaŭ z-za zaviesy daždžu niemahčyma vyjechać, DAI prosić ludziej admovicca ad pajezdak na hramadskim transparcie.
Prahnazujecca, što niepahadź pratrymajecca da 16 hadzin.
«Minsktrans» paviedamlaje ab spynieńni ruchu tralejbusaŭ na Surhanava, Kuźmy Čornaha, Kujbyšava, bulvary Šaŭčenki, Bahdanoviča, Paškievič, Karastajanavaj, Arłoŭskaj.
Na Viery Charužaj drevy abrynulisia na aŭtamabili.
Prablemy nazirajucca na nastupnych maršrutach: na praśpiekcie Pieramožcaŭ u abodvuch napramkach spynilisia tralejbusy maršrutu №10 i aŭtobusnych maršrutaŭ №1, 44, 136, 133, 119S. Na Surhanava, Kujbyšava spynienyja tralejbusy maršrutaŭ №33, 34, 35, 38, 92.
Na Kalvaryjskaj, Pinskaj spynilisia tralejbusy na maršrutach №7, 9, 44.
Na Karastajanavaj, Arłoŭskaj — tralejbusaŭ na maršrutach №40, 92.
Z-za mocnaj zalevy vyjechać pa MKAD z Baraŭlan amal niemahčyma, paviedamlajuć čytačy «Minskaj praŭdy»
Staličnyja pasty DAI pierakryvajuć prajezd na zatoplenyja ŭčastki Minska — adzin z takich zaŭvažyli ŭ rajonie Uručča:
Na abočynach stajać mašyny. Vadzicieli nie ryzykujuć vyjazdžać na darohu — z-za ściany daždžu amal ničoha nie vidać.
Peŭnaja ŭśmieška pryrody ŭ tym, što akurat u hetyja chviliny Łukašenka pravodzić naradu pa likvidacyi nastupstvaŭ urahanu ŭ Homielskaj vobłaści.
Ranicaj 18 lipienia Alaksandr Łukašenka zasłuchaŭ dakład staršyni Homielskaha abłvykankama Ivana Krupko ab likvidacyi ŭ rehijonie nastupstvaŭ urahanu, paviedamiła BiełTA.
Łukašenka trymaje na asabistym kantroli adnaŭlenčyja raboty pa likvidacyi nastupstvaŭ stychii. Im pastaŭlena zadača da ranicy zaŭtrašniaha dnia zaviaršyć usie raboty pa padklučeńni nasielnictva da elektrasiłkavańnia, u tym liku ŭ samych addalenych nasielenych punktach, rapartuje jaho pres-słužba.
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž26
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»44
Kamientary
- Niepravilnyja zalevy u Miensku:
riajaiaja, Łukošienko vinovat, 30 let stabilnosti, kołchoz, eto vam nakazanije za Ukrainu, riajaia!!1!
- Chalalnyja zalevy ŭ Eŭropie i Štatach:
om-nom-nom! Kakoj diemokratičieskij i svobodnyj urahan!
Krynž? Krynž.
P.S. Vy prosili dožd́? Ja dał vam dožd́!