U Minsku raspačaŭsia «forum patryjotaŭ», pryśviečany 30-hodździu kiravańnia Łukašenki
Jon prachodzić u Pałacy sportu.
«Miesca praviadzieńnia vybrana nievypadkova. Mienavita na hetaj placoŭcy prachodzili pasiadžeńni pieršaha Usiebiełaruskaha narodnaha schodu. Alaksandr Łukašenka pajšoŭ tady na inicyjatyvu, jakaja nie mieła anałahaŭ u śviecie. Pa inicyjatyvie maładoha prezidenta pad adnym dacham sabralisia pradstaŭniki ŭsioj hramadzianskaj supolnaści i pahavaryli sam-nasam nie z namienkłaturaj, a sapraŭdy narodnym schodam», — paviedamlaje telehram-kanał Savieta Respubliki.
Majecca, na ŭvazie pieršy Usiebiełaruski narodny schod, jaki prajšoŭ 19-20 kastryčnika 1996 hoda, kali było kančatkova pastanoŭlena pravieści refierendum pa čarhovym źmianieńni Kanstytucyi.
U siońniašnim forumie «patryjatyčnych sił» taksama biaruć udzieł pradstaŭniki praŭładnych partyj i arhanizacyj.
Darečy, staršynia Savieta Respubliki Natalla Kačanava nie ŭtrymałasia, kab znoŭ nie skazać mnostva sałodkich słovaŭ pra Łukašenku, jaki roŭna 30 hadoŭ staŭ prezidentam Biełarusi.
«Usie hetyja hady Vy razam z narodam. Sapraŭdny kiraŭnik dziaržavy, narodny lidar, baćka nacyi, čałaviek, mocna addany svajoj krainie i svajmu narodu, jaki całkam pryśviaciŭ siabie słužeńniu nacyjanalnym intaresam i robić usio mahčymaje, a časam i niemahčymaje dziela zachavańnia suvierenitetu i niezaležnaści Biełarusi, niaŭchilnaha pavyšeńnia jaje dabrabytu i ŭmacavańnia aŭtarytetu na hieapalityčnaj arenie. Vy — vybitny palityk suśvietnaj vieličyni, roŭnych jakomu siońnia praktyčna niama.
Z Vašym imiem nieparyŭna źviazana ŭsia najnoŭšaja historyja našaj krainy, aznamienavanaja pabudovaj sučasnych dziaržaŭnych instytutaŭ i značnymi pośpiechami ŭ sacyjalna-ekanamičnym i kulturnym raźvićci. Dziakujučy vam Biełaruś adbyłasia jak suvierennaja, sapraŭdy narodnaja dziaržava, donar miru i biaśpieki, nadziejny mižnarodny partnior, siabar i stratehičny sajuźnik.
Dla nas, čalcoŭ Rady Respubliki, vialiki honar pracavać pad Vašym kiraŭnictvam. Chaču Vas zapeŭnić, što my i nadalej hatovy vykonvać usie pastaŭlenyja zadačy, abaraniać praŭdu, źbierahać i pamnažać dasiahnieńni suvierennaj Biełarusi, niaźmienna prytrymlivacca ŭłasnym unikalnym biełaruskim šlacham», — havorycca ŭ vinšavańni Kačanavaj.
30 hadoŭ tamu Łukašenka aficyjna staŭ prezidentam Biełarusi
Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie
Łukašenka zahadaŭ adpraŭlać na likvidacyju nastupstvaŭ urahanu palitźniavolenych
Łukašenka prapanavaŭ adsiakać ruki tym, chto kradzie ŭ sielskaj haspadarcy
«Nie chočuć razumieć, što heta vajna!» Łukašenka vykazaŭ pretenzii paciarpiełym ad bury
Dla sabačak i kocikaŭ. Ci zasialilisia ŭ novuju rezidencyju Łukašenki dabračynnyja fondy?5
Kamientary
Vy — vybitny palityk suśvietnaj vieličyni, roŭnych jakomu siońnia praktyčna niama.
----
chachacha. Kačanavaj niama roŭnych)
Mnohija złačynstvy jon zdiejśniŭ ŭ pramym efiry.