Daradca Cichanoŭskaj Franak Viačorka ŭ efiry «Jeŭraradyjo» raskazaŭ apošnija naviny. Dla Polščy i Litvy hety dakumient nie pryjarytetny.
Viačorka padzialiŭsia, što pytańnie pašparta abmiarkoŭvałasia ŭ Jeŭrapiejskaj kamisii i z zachodnimi krainami, dzie taki dakumient najbolš patrebny.
«Ź Litvoj i Polščaj jość supolnaje razumieńnie, što heta nie pryjarytet. Tamu što jość rašeńnie — pašparty zamiežnika, jakija vydajucca [hetymi krainami]. My sprabujem zrabić fokus na tyja krainy, dzie niama vyrašeńnia jurydyčnaha», — davodzić Viačorka.
«Usio padrychtavana dla vydačy. Ja dumaju, što ŭžo ŭ bližejšy čas my zrušymsia ź miesca. Pahladzim, dzie jašče možna drukavać pašparty, kali nie ŭ Litvie. Ale, u pryncypie, usio toje, što zroblena, jano ŭžo hatova. I dakumientalnaja i jurydyčnaja dakumientacyja hatovaja», — zapeŭnivaje daradca Cichanoŭskaj.
Pa jaho słovach taksama viaducca razmovy z AAN. Na kastryčnik zapłanavana pasiadžeńnie hrupy ŭ Mižnarodnaj arhanizacyi hramadzianskaj avijacyi (IKAO). Jana raspracoŭvaje standarty dla mašynačytalnych pašpartoŭ, normy i techničnyja patrabavańni da mižnarodnych darožnych dakumientaŭ. Tam, pa słovach Viačorki, jany źbirajucca padniać pytańnie pašparta Novaj Biełarusi.
«Ź jeŭrapiejskim dziaržavami my damovilisia tak. Dla častki krain, dzie jość pašparty zamiežnika, my budziem u pieršuju čarhu prasoŭvacca pa hetym treku. Mienavita zmahacca za pašyreńnie praktyki vydačy doŭhaterminovych pašpartoŭ zamiežnika. A ŭ tych krainach, dzie hetaha niama, budziem sprabavać lehalizavać naš pašpart».
Kamientary
Chłopčyk, tvoj čas vyjšaŭ razam sa skončanaj lehitymnaściu tvajoj haspadyni paśla čarhovych fejkavych vybaraŭ!
Hańba tym, kto tolki siadzić na kanapie i kpić sa ŭsiaho ŭ kamientarach!
Dziejničaj! Ruchajsia! Varušysia!
Žyvie Biełaruś!