Stała viadoma, dzie buduć vučycca studenty zakrytych pryvatnych VNU
U Biełarusi zakryvajucca dźvie pryvatnyja VNU: Univiersitet prava i sacyjalna-infarmacyjnych technałohij i Instytut pradprymalnickaj dziejnaści. Ciapier stała viadoma, dzie buduć vučycca ich studenty.
Jak paviedamiŭ telekanał «Biełaruś-1», pisać zajavy na adličeńnie i pieravod u inšyja VNU pryjšłosia bolš za 3 tysiač studentaŭ. Z repartažu vynikaje, što im prapanavali praciahnuć navučańnie ŭ BDPU, BDU, BDUIR i BDEU, źviarnuŭ uvahu Reform.news.
Adznačajecca, što Ekanamičny ŭniviersitet źbirajecca pryniać 800 čałaviek. Zaraz sa studentami pravodziać schody. Centralizavanaja pieradača asabistych spraŭ čakajecca ŭ žniŭni.
Studentam Mahiloŭskaha filijała Univiersiteta prava i sacyjalna-infarmacyjnych technałohij prapanavana praciahnuć navučańnie Mahiloŭskim dziaržaŭnym univiersitecie imia Kulašova, a studentam Hrodzienskaha filijała — u Hrodzienskim dziaržuniviersitecie imia Janki Kupały.
Taksama studenty mohuć samastojna vybrać miesca pa svajoj śpiecyjalnaści i nie pieravodzicca ŭ prapanavanyja Ministerstvam adukacyi VNU.
Łatuška: Ryžankoŭ maryć stać prezidentam Biełarusi i nienavidzić Łukašenku. Jon nie projdzie detektar chłuśni6
Kamientary