Pažar u Ikea ŭ Vilni ažyćciavili padletki z Ukrainy pa zamovie rasijskich śpiecsłužbaŭ
Viasnoj minułaha hoda ŭ Ikea ŭ Vilni adbyŭsia pažar. Siońnia palicyja paviedamiła, što heta byŭ terakt — vybuchoŭku padkłali dvoje padletkaŭ, zavierbavanych rasijskimi śpiecsłužbami. Sprava pieradadziena ŭ Vilenski akruhovy sud, piša Delfi.lt.
Hałoŭny prakuror Departamienta rasśledavańnia arhanizavanych złačynstvaŭ Hienprakuratury Arturas Urbialis paviedamiŭ, što sprava ab terakcie ŭ stalicy Litvy pieradadziena ŭ sud.
U chodzie rasśledavańnia vyśvietliłasia, što da złačynstva datyčnyja dvoje maładych ludziej da 20 hadoŭ. Abodva — hramadzianie Ukrainy. «Adzin ź ich — niepaŭnaletni», — adznačyŭ Urbialis.
U Litvie jamu pradjaŭleny abvinavačvańni ŭ arhanizacyi teraktu i niezakonnym zachoŭvańni vybuchoŭki. Druhoha zatrymali ŭ Polščy, jaho buduć sudzić tam.
Byli vyjaŭleny pasiaredniki i arhanizatary — rasijskija śpiecsłužby.
«Sabranyja danyja dazvolili zrabić vysnovu, što arhanizatary — rasijskaja vajennaja raźviedka. U hetym kirunku rasśledavańnie praciahvajecca», — zajaviŭ Urbialis.
Pa jaho słovach, Ikea była vybrana nievypadkova, bo hetaja sietka pakinuła rynak Rasii.
U vyniku pažaru 9 maja była naniesiena škoda na 485 519 jeŭra.
-
Bieły dom ab patrabavańni viarnuć statuju Svabody: Tolki dziakujučy ZŠA francuzy ciapier nie razmaŭlajuć pa-niamiecku
-
«U razmovach z Trampam Pucin nasamreč kpiŭ ź jaho, ale Tramp hetaha nie razumieŭ z-za asablivaściej pierakładu»
-
«Erudziravany nie značyć razumny». Znatok «Što? Dzie? Kali» Raŭšan Askieraŭ vyklikaŭ zamiašańnie svaim intervju
Ciapier čytajuć
Łukašenka abmierkavaŭ z Ryžankovym «kroki pa adnaŭleńni davieru z zachodnimi krainami»7
Kamientary
Eto budiet łohičnym i spraviedlivym otvietom na niedružiestviennyje diejstvija hraždan Ukrainy po zakazu ot hraždan Rośsii.
Tolko novyje jeŝie bolšije ohraničienija v otnošienii biełorusov sposobny spasti Litvu!
Dajoš novyje sankcii dla Biełarusi i biełorusov!