Pra źjaŭleńnie vulicy Kalinoŭskaha va Užharadzie, centry ŭkrainskaj Zakarpackaj vobłaści, piša «Biełsat» na padstavie infarmacyi, atrymanaj ad kiraŭnika inicyjatyvy «Vilna Biłoruś» Alaksandra Franckieviča.
![](http://nashaniva.com/img/w840d4webp1/photos/stock/kalinouski-uskw4.jpg.webp)
Heta ŭžo nie pieršy ŭkrainski horad, u jakim źjaŭlajecca vulica, nazvanaja ŭ honar Kastusia Kalinoŭskaha. U pryvatnaści, takija vulicy jość u Adesie i Čarnihavie, a na apošniaj u kancy červienia taksama raźmiaścili miemaryjalnuju došku ŭ honar biełaruskaha nacyjanalnaha hieroja.
Miž tym u Biełarusi adbyvajecca advarotny praces. Niadaŭna pierajmienavali vulicu Kalinoŭskaha ŭ Kobrynie, a prarasijskija aktyvisty staviać pytańnie, kab toje samaje zrabili ŭ stalicy, choć ź imi nie zhodnyja navat praŭładnyja kamunisty.
«Zasnuli na Kalinoŭskaha, pračnulisia na Mašerava». U Kobrynie za noč prybrali pakazalniki z proźviščam Kalinoŭski VIDEA
U Kobrynie bolš nie budzie vulicy Kalinoŭskaha
U Čarnihavie pastavili pamiatnuju šyldu Kastusiu Kalinoŭskamu. Voś jak jana vyhladaje
Kamunisty niečakana vystupili suprać pierajmienavańnia vulicy Kalinoŭskaha ŭ Minsku
Nieanacyst Łušč źbiraje podpisy, kab pierajmienavać vulicu Kalinoŭskaha ŭ Minsku ŭ vulicu 17 Vieraśnia
Kamientary
Uvohule, u Kijevie ŭ vyniku baraćby z nazvami, źviazanymi ź dźviumia krainami, jakija sumiesna ažyćciavili ŭzbrojenuju ahresiju suprać Ukrainy, vulic, źviazanych ź Biełaruśsiu, paboleła. Prybrali vulicy Biłoruśku i Mozyrśku, ale źjavilisia vulicy Kastusia Kalinoŭskaha, Uładzimira Karatkieviča i praśpiekt Bieraściejśki (kolišni - Peremohi). U Tapanimičnaj kamisii Kijeŭskaj haradskoj rady jość ludzi, jakija razumiejuć, što vorahi Ukrainy - łukašenka i jahonyja pryśpiešniki, a nie Biełaruś i biełarusy.