Sudździa Minskaha haradskoha suda Alena Šemiet 6 žniŭnia razhledzić pazoŭ Hałoŭnaha ŭpraŭleńnia justycyi Minharvykankama ab likvidacyi hramadskaha abjadnańnia «Minskaje rovarnaje tavarystva», vynikaje z raskładu na partale elektronnaha sudavodstva.
![](http://nashaniva.com/img/w840d4webp1/photos/stock/bicycles_32-2l7v8.jpg.webp)
Minskaje rovarnaje tavarystva — viadomaje abjadnańnie, jakoje zajmajecca raźvićciom i papularyzacyjaj viełaruchu ŭ jakaści turyzmu i rovara jak haradskoha transpartu.
Pavodle danych z Adzinaha dziaržrehistra jurydyčnych asob i indyvidualnych pradprymalnikaŭ, arhanizacyja zarehistravanaja 16 sakavika 2011 hoda.
22 sakavika 2023 hoda praŭleńnie Tavarystva zajaviła staličnym uładam pra namier praciahvać dziejnaść. Z padadzienaj u harvykankam spravazdačy vynikaje, što na toj momant u tavarystva ŭvachodziŭ 671 čałaviek.
Ale za dva tydni da padačy hetaha dakumienta, 9 sakavika, namieśnik dyrektara arhanizacyi Maksim Pučynski byŭ prysudžany da 2,5 hoda «chatniaj chimii» za ŭdzieł u pratestach. Vyjšaŭšy na volu, jon nieadkładna vyjechaŭ ź Biełarusi.
Kamientary
Udivlajet diekoracija zakona.