Суддзя Мінскага гарадскога суда Алена Шэмет 6 жніўня разгледзіць пазоў Галоўнага ўпраўлення юстыцыі Мінгарвыканкама аб ліквідацыі грамадскага аб'яднання «Мінскае роварнае таварыства», вынікае з раскладу на партале электроннага судаводства.
Мінскае роварнае таварыства — вядомае аб'яднанне, якое займаецца развіццём і папулярызацыяй веларуху ў якасці турызму і ровара як гарадскога транспарту.
Паводле даных з Адзінага дзяржрэгістра юрыдычных асоб і індывідуальных прадпрымальнікаў, арганізацыя зарэгістраваная 16 сакавіка 2011 года.
22 сакавіка 2023 года праўленне Таварыства заявіла сталічным уладам пра намер працягваць дзейнасць. З пададзенай у гарвыканкам справаздачы вынікае, што на той момант у таварыства ўваходзіў 671 чалавек.
Але за два тыдні да падачы гэтага дакумента, 9 сакавіка, намеснік дырэктара арганізацыі Максім Пучынскі быў прысуджаны да 2,5 года «хатняй хіміі» за ўдзел у пратэстах. Выйшаўшы на волю, ён неадкладна выехаў з Беларусі.
Каментары
Удивляет декорация закона.