Bolš čym $2000 za «kvadrat». Dzie znachodziacca i kolki kaštujuć elitnyja kvatery ŭ Hrodnie
Zakryty dvor, terasy, vid na histaryčny centr… Pahladzieli, jak vyhladaje i pa jakich cenach pradajecca žytło ŭ elitnych damach Hrodna.
![](http://nashaniva.com/img/w840d4webp1/photos/z_2024_07/screenshot2024-07-28153937-j1r74.png.webp)
Elitny daŭhabud pobač z rynkam i vakzałam
Adzin z elitnych damoŭ u Hrodnie znachodzicca ŭ niepasrednaj blizkaści da histaryčnaha centra pa adrasie vuł. Parachavaja, 9.
Jaho pačali budavać u 2006 hodzie, ale nieŭzabavie budaŭnictva zastoparyłasia. Dolščyki čatyry hady nie mahli atrymać svaje kvatery. Zakančvać budaŭnictva daviałosia miascovym uładam. Dom byŭ hatovy tolki ŭ 2011 hodzie.
Paralelna z hetym, u traŭni 2011 hoda, na dyrektara firmy STAA «Kansient», jakaja budavała dom, zaviali kryminalnuju spravu. Praz amal 2,5 hoda jaho prysudzili da troch hadoŭ pazbaŭleńnia voli z kanfiskacyjaj majomaści. Usiaho pa spravie prachodziła 200 paciarpiełych.
Na siońnia ŭ elitnym domie pradajecca kala 10 kvater. Adna ź ich — samaja darahaja z vystaŭlenych na prodaž u Hrodnie.
Za pientchaus biez unutranaha azdableńnia ahulnaj płoščaj 324 m² prosiać 450 tysiač dalaraŭ.
![](http://nashaniva.com/img/w732d4webp1/photos/z_2023_07/hr-ffyfw.jpg.webp)
Kvatera ŭ prodažy jak minimum ź minułaha leta. Cana za hod nie źmianiłasia. Tamu vyhladaje, što haspadar nie śpiašajecca pazbaŭlacca ad jaje.
Jak i rabić tam ramont, bo dom zdadzieny bolš za 10 hadoŭ tamu, a ŭ kvatery dahetul hołyja ścieny.
![](http://nashaniva.com/img/w732d4webp1/photos/z_2023_07/-boyw2.jpg.webp)
Heta, darečy, nie adzinaja kvatera biez ramontu, jakuju tut pradajuć. Za čatyrochpakajoŭku na 155 m² prosiać 129 500 dalaraŭ. U abjavie paznačana, što pry žadańni z adnoj kvatery možna zrabić dźvie.
![](http://nashaniva.com/img/w732d4webp1/photos/z_2024_07/7d8f13c605-iqzya.jpg.webp)
Samaja tannaja kvatera ŭ domie — adnapakajoŭka ahulnaj płoščaj 65 m². Prosiać za jaje 61 tysiaču dalaraŭ.
![](http://nashaniva.com/img/w732d4webp1/photos/z_2024_07/mycollages17-dxnl1.jpg.webp)
«Aŭtentyčnaja kvatera ŭ centry Hrodna. Prastornaja i ŭtulnaja, z dobrym ramontam i meblaj. Jość kamora (u dadzieny momant abstalavana pad spalniu). Vialiki sumieščany sanvuzieł», — havorycca ŭ apisańni.
Tym nie mienš, u sučasnych pakupnikoŭ da elitarnaści doma mohuć uźniknuć pytańni. U krokavaj dasiažnaści — aŭtavakzał i centralny rynak. Abiedźvie łakacyi ŭ niepasrednaj blizkaści da doma naŭrad ci možna nazvać plusam.
Mała pavierchaŭ i zakrytaja terytoryja
Padobna, što z časam haradžanie i dyviełapiery zrazumieli, što pa-sapraŭdnamu elitnaje žytło nie musić być šmatpaviarchovym. Usio čaściej sučasnyja damy, jakija pazicyjanujucca jak kłas premium, majuć tolki 5-7 pavierchaŭ.
Inšy elitny dom u Hrodnie znachodzicca pa adrasie vuł. Śviardłova, 12.
![](http://nashaniva.com/img/w732d4webp1/photos/z_2024_07/f00f65e895-veto5.jpg.webp)
U im pradajucca adrazu dźvie kvatery. Abodva varyjanty biez azdableńnia, ale z vychadam na terasu.
Za adnapakajovuju kvateru płoščaj 52 m² prosiać 60 tysiač dalaraŭ. Z žyłoha pamiaškańnia jość vychad na terasu płoščaj 35 m².
![](http://nashaniva.com/img/w732d4webp1/photos/z_2024_07/f61c841fa9-qtx2j.jpg.webp)
Druhaja kvatera biez cany. Jana taksama biez ramontu i ź vielizarnaj ułasnaj terasaj płoščaj 44 «kvadraty». Sama kvatera maje płošču 145 m².
Adrazu dva elitnyja damy mieściacca na vulicy Budzionaha. Abodva majuć zakrytyja dvary i padziemny parkinh. Na Budzionaha, 28 ciapier kvater u prodažy niama, a voś u domie numar 30, jaki tolki niadaŭna pabudavali, prapanujuć dźvie kvatery biez azdableńnia.
![](http://nashaniva.com/img/w732d4webp1/photos/z_2024_07/4fc3d85b-f5fe-405b-9537-3108d5098bde-5e271.jpg.webp)
Za adnapakajoŭku ahulnaj płoščaj 40 m² prosiać $47 900. Za dvuchpakajoŭku płoščaj 79 m² vystavili canu $97 000. Abiedźvie kvatery majuć hołyja ścieny, mieściacca jany na apošnim piatym paviersie. Na dachu doma jość zona adpačynku dla žycharoŭ.
Jašče adzin elitny dom u Hrodnie znachodzicca na vuł. Citova, 14. Ciapier tam u prodažy 5 kvater.
![](http://nashaniva.com/img/w732d4webp1/photos/z_2024_07/63517cb0-5958-4ec5-8310-d8e5f7c400c5-jg0dh.jpg.webp)
Samyja tannyja — adnapakajoŭki biez ramontu z ahulnaj płoščaj 43 i 49 m². Prosiać za ich 65 000 i 66 500 dalaraŭ adpaviedna.
U hetym ža domie pradajecca dvuchpakajoŭka z dyzajnierskim ramontam, meblaj i technikaj. Prosiać za jaje 129 900 dalaraŭ. Ahulnaja płošča žytła — 64 m². Heta kala $2030 za 1m².
![](http://nashaniva.com/img/w732d4webp1/photos/z_2024_07/a182f824-e1c5-4c2a-aac3-37549c8d25c9-vp35i.jpg.webp)
Status elitnaha hetamu domu prydajuć nie tolki zakrytaja dvarovaja terytoryja, padziemny parkinh, zona adpačynku na dachu. Tut jość spartyŭnaja zała i pralnia dla žycharoŭ. Na fonie inšych «elitak» hety dom vyłučaje jaho łakacyja.
![](http://nashaniva.com/img/w732d4webp1/photos/z_2024_07/b63604cf-f725-4ace-a893-76f3df646868-t0ag4.jpg.webp)
Hety 7-paviarchovik mieścicca ŭ cichim miescy. Dom staić unutry dvara, tamu vokny nie vychodziać na šumnyja vulicy, a z častki kvater adkryvajecca vid na histaryčny centr horada.
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja
![](http://nashaniva.com/img/w450h300crop1webp1/photos/stock/viachorka3-aajnw.jpg.webp)
Kamientary
Dizajnier, biary nie hladzia