U Vieniesuele ŭspychnuli masavyja pratesty. Demanstranty ŭ adnym z haradoŭ źnieśli pomnik Uha Čaviesu VIDEA
U Vieniesuele praciahvajucca pratesty z nahody sfalsifikavanych prezidenckich vybaraŭ. Siarod inšaha ich achviaraj u horadzie Kora na poŭnačy krainy staŭ pomnik byłomu prezidentu Uha Čaviesu.
#AHORA | #Falcón: Manifestantes tumban estatua de Hugo Chávez, en la plaza ubicada en la avenida Shema Saher de #Coro.https://t.co/Y82wuqyJQU pic.twitter.com/ubcgrBZ8Lq
Ya la tumbaron pic.twitter.com/8SmcQK5Xtz
Pratesty achapili Vieniesuełu paśla nibyta pieramohi ciapierašniaha kiraŭnika krainy Nikałasa Madura na niadzielnych prezidenckich vybarach. Ułady krainy paśla zakančeńnia hałasavańnia abviaścili, što za Madura prahałasavaŭ, maŭlaŭ, 51% vybarščykaŭ. U toj ža čas niezaležnyja apytańni davali 60% hałasoŭ jaho supierniku Edmunda Hansalesu Urucia.
Demanstranty pa ŭsioj krainie patrabujuć adstaŭki Madura, pierakryvajuć ruch transpartu.
Na vulicach, u tym liku ŭ Karakasie, apazicyjaniery ładziać maršy, u asobnych haradach sprabujuć prarvacca na vybarčyja ŭčastki i zryvajuć płakaty z Madura na rekłamnych ščytach. U stalicy tysiačy pratestoŭcaŭ sieli na matacykły i zajmajuć darohi.
ŚMI pišuć pra pierakryćcio ŭčastka Panamierykanskaj šašy — heta sietka daroh u Amierycy ahulnaj praciahłaściu 30 tysiač km z adhalinavańniem na Karakas.
Tym časam Vieniesueła adklikaje svaich dypłamataŭ z krain, jakija nie pryznali vybary: Arhiencina, Čyli, Pieru, Kosta-Ryka, Panama, Daminikanskaja Respublika i Uruhvaj.
Łukašenka paśpiašaŭ pavinšavać Maduru ź pieramohaj na vybarach prezidenta Vieniesueły
Prezident Arhienciny Milej zaklikaŭ armiju Vieniesueły abaranić demakratyju i volu naroda
Ułady Vieniesueły abviaścili Maduru pieramožcam vybaraŭ z 51% hałasoŭ. Ale jość pytańni
U Vieniesuele prachodziać vybary prezidenta. Madura moža stracić uładu
Kamientary