Matč pierapyniaŭsia na niekalki hadzin z-za navalnicy.
Niekali pieršaja rakietka śvietu Aryna Sabalenka nie zdoleła prabicca ŭ finał tenisnaha turniru ŭ Vašynhtonie. U paŭfinale, jaki prajšoŭ siońnia nočču pa biełaruskim časie, treciaja rakietka śvietu prajhrała 34-j rakietcy Mary Boŭzkavaj (Čechija) — 4:6, 6:3, 3:6.
U trecim secie pry liku 2:1 na karyść Aryny matč byŭ spynieny na niekalki hadzin z-za navalnicy nad Vašynhtonam.
Navalnicy minułym viečaram prakacilisia nad uschodnim uźbiarežžam ZŠA, spynialisia na niejki čas vystavačnyja matčy jeŭrapiejskich kłubaŭ, što prachodzili ŭ Amierycy, naprykład, «Mančester Junajted» — «Livierpul» i «Reał» Madryd — «Barsiełona».
Nahadajem, što Sabalenka (jak i Viktoryja Azaranka, jakuju Aryna pieramahła ŭ 1/4 finału turniru ŭ Vašynhton), admoviłasia ad udziełu ŭ Alimpijadzie ŭ Paryžy, spasłaŭšysia ŭ tym liku i na traŭmu.
Apošni turnir, jaki vyjhrała Aryna ŭ hetym hodzie, byŭ Adkryty čempijarnat Aŭstralii pa tenisie ŭ studzieni.
Pratasieviču admianili hihancki štraf, i jon palacieŭ na adpačynak u Dubaj8
Pratasieviču admianili hihancki štraf, i jon palacieŭ na adpačynak u Dubaj
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja2121
Kamientary