Chrysta Hrozieŭ adkazvaje, čamu nie abmianiali biełaruskich palitviaźniaŭ
Rasśledavalnik Chrysta Hrozieŭ u intervju Deutsche Welle parazvažaŭ pra rolu biełaruskaha boku ŭ niadaŭnim abmienie viaźniami i toje, ci moža padobny abmien paŭtarycca.
Hrozieŭ kaža, što abmien nie byŭ praviedzieny idealna — jany sprabavali zrabić toje, što mahčyma.
«Pa biełaruskaj temie — mnie vidavočna, čamu heta zdaryłasia. Tamu što aryšt [niamieckaha hramadzianina Ryka Kryhiera] i vierdykt sa śmiarotnym pakarańniem byŭ stvorany praktyčna pa zamovie Kramla, jak častka kančatkovaha cisku na Hiermaniju, kab Hiermanija pahadziłasia vydać Krasikava. Heta nie było suviarennaje rašeńnie biełaruskaha dyktatara — heta była pasłuha, jakuju jon zrabiŭ», — ličyć Hrozieŭ.
Jon razvažaje, što pa-dobramu Rasii treba było b uklučyć u śpisy na abmien i čačenskich aktyvistaŭ, tamu što achviaraj Vadzima Krasikava (aficera FSB, jakoha tak chacieŭ vymianiać Pucin) byŭ čačenski palavy kamandzir.
«Šmat było zroblena nieidealna.
Ale pa biełaruskaj temie — ja dumaju, što ciapier užo aryštavanyja biełaruskija kadebešniki ŭ krainach Jeŭropy, pakolki jany vykonvali zakazy pa teraryźmie z Kramlu. I dumaju, jašče bolš budzie takich aryštavana, tamu što Kreml vykarystoŭvaje biełaruskija śpiecsłužby jak pasiarednikaŭ dla taho, kab nie pakidać śladoŭ.
I ja dumaju, što hetyja aryštavanyja pavinny być abmianianyja na biełaruskich palitviaźniaŭ», — padzialiŭsia rasśledavalnik.
Bajpoł nazvaŭ imiony mahčymych zabojcaŭ Andreja Zielcara. I zajaviŭ, što siłavika «Nirvanu» zastreliŭ svoj ža6
Kamientary
zvyčajnyja nacy-musary, za hrošy rodnuju maci zhvałtujuć
mianiać na ich kahości nie buduć