U Akademii navuk pišuć novuju šmattomnuju historyju Biełarusi. Što źmienicca?
Dva tamy buduć pryśviečanyja archieałohii.
Instytut historyi NAN Biełarusi zajmajecca padrychtoŭkaj novaj šmattomnaj historyi Biełarusi.
Pa słovach dyrektara Instytuta Vadzima Łakizy, vydańnie achopić pieryjad ad kamiennaha vieku da sučasnaści. U padrychtoŭku pracy ŭciahnutyja i archieołahi, piša BiełTA.
«Za archieołahami dva tamy, jany pavinny pakazać va ŭsioj raznastajnaści daletapisnuju historyju, a taksama napoŭnić historyju dziaržaŭnaści kankretnymi faktami i materyjałami, jakija nie zaŭsiody možna adšukać u piśmovych krynicach. My chočam, kab heta było zusim novaje vydańnie, stroha navukovaje, ale razam z tym raźličanaje na šyrokaje koła čytačoŭ i jakoje całkam adpaviadaje nacyjanalnym intaresam našaj krainy», — adznačyŭ Łakiza.
Pracu nad vydańniem Instytut historyi NAN viadzie ŭ kaapieracyi z kalehami z VNU.
«Padrychtoŭka viadziecca na asnovie kancepcyi, jakaja prajšła aprabacyju ŭ ramkach padrychtoŭki i vydańnia «Historyi biełaruskaj dziaržaŭnaści», abmierkavańnia i vykładańnia. Adnak historyja dziaržaŭnaści — heta ŭ asnoŭnym palityčnaja historyja. Historyja Biełarusi našmat šyrejšaja. Na padrychtavanuju asnovu nanizvajucca astatnija fakty — ekanomika, sacyjalnaje žyćcio, materyjalnaja i duchoŭnaja kultura, usie śfiery žyćciadziejnaści čałavieka, hramadstva i dziaržavy», — raspavioŭ Łakiza.
Pra terminy vydańnia novaj šmattomnaj historyi Biełarusi dyrektar Instytuta nie raspavioŭ.
«Kubło takoje». Ź pierapisak Kabančuka robicca jasna, čamu Vieramiejčyka paličyli niebiaśpiekaj i zabaranili jamu ŭjezd va Ukrainu26
Kamientary
Jak kołasy z krapivami ŭ akademii movu źmianiali, ništo nia novaje
Ale hrošy braŭ za zdradu spraŭna (