Nieruchomaść33

Jak vypisacca z kvatery ŭ RB addalena. Try kiejsy biełarusaŭ, jakim heta ŭdałosia

Kanał dla ajcišnikaŭ u Polščy Dzik Pic znajšoŭ biełarusaŭ, jakim udałosia addalena vypisacca z kvatery ŭ Biełarusi i navat vypisać dziaciej. Voś ich historyi. 

Pa davieranaści

— My z 5-hadovaj dačkoj vypisalisia z kvatery ŭ Minsku addalena.

Pry kancy maja aformili ŭ nataryusa ŭ Polščy metavuju davieranaść. Zatym lehalizavali jaje ŭ svaim rajonnym sudzie i pastavili apastyl u MZS pa papiarednim zapisie. U takim vyhladzie adpravili ŭ Biełaruś.

Metavuju davieranaść aformili ŭ dadatak da hienieralnaj davieranaści na svajaka, składzienaj u Biełarusi pierad pierajezdam. Jon atrymaŭ našuju metavuju davieranaść na vypisku z kvatery, pieravioŭ u prysiažnaha pierakładčyka ŭ Biełarusi i z hetym dakumientam vypisaŭ mianie i dzicia (nas prapisali pa novym adrasie ŭ baćkoŭ). 

Da hetaha pa hiendavieranaści navat udałosia pieraprapisać muža, ź pieraŭlikam u vajenkamacie, biez asabistaj prysutnaści. Pakolki hiendavieranaść raspaŭsiudžvałasia na ŭsie vidy administracyjnych pracedur, a prapiska jakraz da ich zaličvajecca.

Praz sud

— Tut usio prosta: kvatera maje naležać baćkam. Vy ŭ joj prapisanyja, ale heta nie vašaja ŭłasnaść. Baćki iduć u sud i dakazvajuć, što vy ŭ joj daŭnym-daŭno nie žyviacie (nakštałt 5+ hadoŭ). Sud pryznačaje słuchańnie i vyrašaje na karyść baćkoŭ. 

U nas usio było zvyšlehalna, nijakich trukaŭ. Ja zahadzia padpisaŭ papierku, što pretenzij nie maju. Z suda sa mnoj nichto nie źviazvaŭsia, choć mama papiaredžvała, kab trymaŭ vajbier pad rukoj.

Takija rečy robiacca z advakatam, jon/iana zvyčajna viadzie vas za ruku. Tam typavaja pracedura, jakuju jurysty lohka vyrašać, a vam paŭhoda spatrebicca, kab pravilna ŭsio zrabić. Naprykład, mnie z suda dasłali dakumienty, u jakich pieršy raz była hramatyčnaja pamyłka, a druhi — niapravilnyja inicyjały ŭ sudździ. Advakatka ŭsio znajšła i prymusiła ich pierarabić.

Aformić vyjezd na PMŽ ź Biełarusi

— Vypisaŭsia razam ź dziciem z žytła ŭ Biełarusi addalena. Stali na konsulski ŭlik u Polščy, i ŭsio.

Źjeździć u RB dziela hetaha było niemahčyma z pryčyny kryminalnaj spravy pavodle narodnaha 342-ha artykuła (paśpieŭ źjechać da taho, jak za mnoj pryjšli).

Samaje składanaje — addalena vypisać dzicia. Sprabavali pa hienieralnaj davieranaści — ničoha nie atrymałasia. Pradać kvateru i potym vypisać pa sudzie navat nie sprabavali. Nie viedaju, chto ŭ svaim rozumie kupić kvateru z prapisanym dziciem.

Tolki hetaj zimoj u emihranckim čacie vypadkova daviedalisia pra sposab z pastanoŭkaj na konsulski ŭlik. Tam ža paraili źviartacca ŭ konsulstva ŭ Biału Padlasku. 

Śpisy dakumientaŭ dla darosłych i dziaciej z prykładami zapaŭnieńnia jość na sajcie konsulstva. Treba jak minimum mieć časovy dazvoł na žycharstva ŭ Polščy.

U sakaviku pieršy raz patelefanavali ŭ Biału Padlasku, u krasaviku padali dakumienty. Potym dva miesiacy konsulstva praviaraje adsutnaść zapazyčanaści pa padatkach, dazvoł na vyjezd i inšaje. Znojdzienyja zaŭvahi treba likvidavać, i potym jany znoŭ praviarajuć.

Z nazvanaj vyšej pryčyny byli zusim nie ŭpeŭnienyja, što atrymajecca. Ale praz dva miesiacy nam dali stanoŭčaje rašeńnie. U druhuju pajezdku pastavili piačatku ŭ pašpart pra pastanoŭku na konsulski ŭlik i anulavali biełaruskuju rehistracyju.

Paśla pryniaćcia pastanovy jany sami adpraŭlajuć u Biełaruś dakumienty na źniaćcie z rehistracyi, na što idzie jašče miesiac-dva. Na hetym usio.

Kamientary3

  • Antoś
    20.08.2024
    Kab vypisać dzicia z kvatery, pisaŭ zhodu na heta ŭ rasijskim kansulacie ŭ Krakavie. Jany padćviardžajuć asobu na padstavie dakumientaŭ i hetaja papiera pracuje ŭ Biełarusi. Nie treba ni pierakładać ni nataryjalna zaviarać.
  • Vadzim
    20.08.2024
    U mianie prakaciła zhoda, napisanaja pa biełarusku i pa polsku i zavieranaja ŭ polskaha nataryjusa. I ŭsio, ni apostylaŭ, ni pierakładaŭ. Praŭda jana była na mamu dziaciej. I znajšoŭsia polski nataryjus jaki prosta zavieryŭ moj podpis na papiercy z tekstam. Tut važna što heta nie davieranaść, a zhoda.

    Ale tut, vierahodna, mocna zaležyć ad čynoŭnika što zajmajecca rehistracyjami.
  • zhoda-niazhoda
    20.08.2024
    Zhody (sohłasije) zaviarajuć u biełaruskich ambasadach, heta nie davierynaść.
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Tramp i Zialenski pasvarylisia ŭ žyvym efiry25

Tramp i Zialenski pasvarylisia ŭ žyvym efiry

Usie naviny →
Usie naviny

Top samych dastupnych novabudoŭlaŭ Minska i top samych kamfortnych

«Ruskaja skrypka na Branščynie — fienomien, pra jaki vy i nie viedali». Biełarusaŭ razzłavała pryŭłaščvańnie ichniaj nacyjanalnaj kultury9

U Homielskim rajonie bieśpiłotnik upaŭ i ŭzarvaŭsia, spaliŭ haspadarčuju pabudovu3

Mužčyna ŭ bałakłavie ŭ Salihorsku źniaŭ hrošy ŭ bankamacie. I zaraz moža sieści na 10 hadoŭ

U 43 hady pamior były ideołah kobrynskaj milicyi3

Zialenski prylacieŭ u ZŠA 1

U Drazdach pradajecca dom za $4 miljony. Jaho budavaŭ dla siabie eks-ministr unutranych spraŭ Navumaŭ FOTY8

FSB: Pamočnik duchoŭnika Pucina mitrapalita Cichana źbiraŭsia ŭzarvać jaho ŭ manastyry6

Jašče adnu supracoŭnicu «Pielenha» sudziać za «zakliki da pryčynieńnia škody Biełarusi»

bolš čytanych navin
bolš łajkanych navin

Tramp i Zialenski pasvarylisia ŭ žyvym efiry25

Tramp i Zialenski pasvarylisia ŭ žyvym efiry

Hałoŭnaje
Usie naviny →

Zaŭvaha:

 

 

 

 

Zakryć Paviedamić