Niama kuchni, zatoje jość dva žyłyja pakoi. U centry Minska pradajecca cikavaja adnapakajoŭka. Jak tak zdaryłasia?
Adnapakajoŭka, pra jakuju idzie havorka, znachodzicca na druhim paviersie «stalinki» na vulicy Kamunistyčnaj. Jaje płošča davoli kampaktnaja — 33 «kvadraty». Ale ŭładalniki kvatery znajšli sposab, jak pavialičyć žyłuju prastoru biez maštabnych pierapłanirovak, piša Onliner.by.
Pakoj na 7 kvadratnych mietraŭ, dzie pavodle prajekta pavinna być kuchnia, pieraabstalavali ŭ dadatkovuju spalniu. Tut znajšłosia miesca dla kanapy i nievialikaj draŭlanaj siekcyi.
Kuchniu pieranieśli ŭ kalidor i abjadnali z žyłoj zonaj. Jana davoli kampaktnaja, ale pryhatavać śniadanak ci viačeru na joj całkam mahčyma. Darečy, hetaja ideja aficyjna ŭniesiena ŭ techpašpart, tamu novym uładalnikam nie daviadziecca pieražyvać za štrafy.
Druhi pakoj zajmaje amal 19 «kvadrataŭ». Tut znajšłosia miesca nie tolki dla kanapy, ale i dla abiedziennaha stała. Usia mebla ŭ kvatery piarojdzie novym uładalnikam.
Mahčyma, adziny minus pieraŭtvoranaj «dvuški» ŭ tym, što ŭ joj niama bałkona. Ale pry hetym jość vokny, praź jakija možna nazirać za ažyŭlenaj vuł. Čyčeryna
Dadatkovym plusam «stalinki» źjaŭlajucca trochmietrovyja stoli, jakija robiać pamiaškańnie krychu bolš prastornym.
Sanvuzieł u kvatery raździelny.
Uładalniki aryhinalnaha žylla hatovyja rasstacca ź im za $79 tysiač pa kursie.
U Minsku pradajucca dźvie samyja małyja kvatery. Ale roźnica ŭ canie — 17 tysiač dalaraŭ
U Biełarusi źbirajucca pravodzić renavacyju pa šlachu Rasii — znosić chruščoŭki i pierasialać žycharoŭ
«Ich sabaki brešuć pa načach, pałochajuć dziaciej». Žychary šmatpaviarchovika ŭ Minsku skardziacca na susiedziaŭ, što pierajechali z pryvatnaha doma
«Jana zabrała dziaciej i viarnułasia ŭ Minsk»: historyja biełarusa, jaki emihravaŭ u Barsiełonu ź siamjoj, a zastaŭsia adzin14
Kamientary
chni...https://nashaniva.com/362570