Vydaviectva Vesna paviedamiła pra vychad druhoha toma fundamientalnaj manahrafii «Historyja roźničnaha handlu ŭ Biełarusi», paviedamlaje bellit.info.
Aŭtary raździełaŭ manahrafii (Taćciana Vałodzina, Volha Vołkava, Andrej Kištymaŭ, Łarysa Łaŭrejenka, Uładzimir Łobač, Valancina Miatlickaja (Lebiedzieva), Siarhiej Sierhačoŭ, Andrej Čarniakievič, Zachar Šybieka) daśledujuć roźničny handal u Biełarusi pavodle adzinaj strukturnaj madeli.
Jana składajecca ź piaci asnoŭnych kirunkaŭ. 1) Analiz histaryjahrafii i krynic. 2) Ahlad spažyvieckaha rynku, na jakim farmavaŭsia i raźvivaŭsia handal. 3) Umovy, jakija tradycyjna isnavali abo byli stvorany namahańniami ŭładaŭ dla ažyćciaŭleńnia roźničnaha handlu. 4) Sam roźničny handal z asobym akcentam na dziejnaść i majsterstva handlaroŭ. 5) I narešcie, na scenu vyvodzicca taksama važny aktar roźničnaha handlu — spažyviec ź jaho ŭzajemaadnosinami z handlarami i rolaj na spažyvieckim rynku.
Druhaja kniha daśleduje pieryjad ad 1861 da 1939 hoda
«Tom achaplaje samy šalony i hałavakružny peryjad biełaruskaj historyi — uźlot i padzieńnie impieryi, vialikaja vajna, adna, druhaja, treciaja akupacyi, kryvavy padzieł kraju napałam… Jak žyłosia ludziam? Što kuplali, jeli, pili, u što apranalisia, čym zabaŭlalisia — u hetaj vialikaj navukovaj pracy raskazvajecca pra heta voś usio», — intryhuje pablik vydaviectva.
Kniha dastupnaja pakul što tolki naprastki praz kantakt z vydaviectvam ([email protected]).
Žyvahłod pryznała rassyłku praz čat-bot «Sumlennych ludziej» karystalnikam u Biełarusi: Ale nie ŭ pracoŭny čas, paśla 18 hadzin14
Kamientary