Džoan Roŭlinh vydaliła 27 tvitaŭ paśla skarhi ałžyrskaj baksiorki Iman Chielif
Słynnaja piśmieńnica ničoha nie pościć u sacsietcy X užo amal dva tydni.
![](http://nashaniva.com/img/w840d4webp1/photos/z_2024_04/rowling_getty240402-1iajf.jpg.webp)
Piśmieńnica Džoan Roŭlinh vydaliła sa svajho akaŭnta ŭ sacsietcy Ch (raniejšy Twitter) 27 pastoŭ i nie publikuje tvity z 7 žniŭnia. Na heta, u pryvatnaści, źviarnuŭ uvahu amierykanski aktyvist Trevis Ekiers, piša «Mieduza».
Roŭlinh zhadvałasia ŭ skarzie, jakuju da sacsietki X u siaredzinie žniŭnia padała alimpijskaja čempijonka ŭ boksie z Ałžyra Iman Chielif. Baksiorka padvierhnułasia ckavańniu paśla taho, jak adna z supiernic na Alimpijskich hulniach u Paryžy — italjanka Andžeła Karyni — admoviłasia praciahvać pajadynak ź joj i zajaviła, što jaje «nikoli nie bili tak mocna». Paśla hetaha ŭ sacsietkach pačali pisać, što Chielif, nibyta budučy mužčynam, spaborničaje z žančynami.
Roŭlinh apublikavała fota Karyni, što płakała, i Chielif. Piśmieńnica supravadziła post podpisam, u jakim, u pryvatnaści, havaryłasia pra «ŭchmyłku mužčyny, jaki znachodzicca pad abaronaj žančynanienaviśnickaha spartyŭnaha isteblišmientu i atrymlivaje asałodu ad pakut žančyny, jakuju jon tolki što ŭdaryŭ u hałavu i čyje mary jon tolki što razburyŭ».
U skarzie, padadzienaj Chielif, taksama fihuravaŭ Iłan Mask, jaki vałodaje sacsietkaj X, jon reposnuŭ tvit płyŭčychi Rajli Hiejns, u jakim havaryłasia, što «mužčynam nie miesca ŭ žanočym sporcie», supravadziŭšy jaho podpisam «absalutna».
Kamientary
U majoj ciotki vusy raśli ŭsio žyćcio, pa fotcy za mužyka prymali, dvaich dziaciej z pochvy naradziła i cyckoj vykarmiła. Mo to dziadźka byŭ?