Rasijanie raskupili ŭsie miescy ŭ biełaruskich sanatoryjach na Novy hod
«Biełaruś — ruskamoŭnaja, pryjaznaja, sajuznaja i faktyčna rodnaja kraina dla rasijanaŭ», — kaža pradstaŭnik turystyčnaj industryi.
Na Novy hod u abjektach sanatorna-kurortnaha siehmienta nie zastałosia miescaŭ, rasijanie zabraniravali ŭsie numary pa stanie na vierasień, raskazaŭ staršynia praŭleńnia Respublikanskaha sajuza turystyčnaj industryi (RSTI) Filip Huły, piša «Sputnik».
Jon adznačyŭ, što Biełaruś vielmi zapatrabavanaja ŭ rasijskaha turysta za transpartnuju dastupnaść. Da taho ž pamiž dziaržavami dziejničajuć amal paŭtara dziasiatka pramych rehijanalnych pieralotaŭ. U ich liku — Ufa, Pierm, Jekaciarynburh, Kazań, Nižni Noŭharad, Sočy, Machačkała.
«Biełaruś — ruskamoŭnaja, pryjaznaja, sajuznaja i faktyčna rodnaja kraina dla rasijanaŭ, ale jana inšaja. Rasijski turyst adčuvaje siabie ŭ našaj krainie kamfortna, pry hetym jon znachodzicca za miažoj», — padkreśliŭ Huły.
Na jaho dumku, kamfort turysty adčuvajuć i ŭ biełaruskaj kuchni, i ŭ kultury, i ŭ tradycyjach. Da taho ž dla vizitu ŭ Biełaruś rasijaninu nie patrebna viza abo zamiežny pašpart, pracujuć mnohija servisy, što stała asnoŭnaj pryčynaj rostu i zapatrabavanaści biełaruskaha turpraduktu i ŭ 2022-m, i ŭ 2023 hodzie.
Pa słovach Hułaha, kala 25-30% braniravańniaŭ na Novy hod aformlenyja pramymi klijentami, arhanizacyjami i kampanijami, jakija adpraŭlajuć na adpačynak svaich supracoŭnikaŭ, a taksama zvyčajnymi turystami. Astatni adsotak — broni turystyčnych apierataraŭ, ahienctvaŭ i kampanij, jakija, jak zaŭvažyŭ Huły, praduhledžvajuć popyt svaich klijentaŭ i turystaŭ, albo prosta razumiejuć ažyjataž i imknucca pradać daražej, albo z pazicyi harantavana akazać pasłuhi klijentam, razumiejučy, što da ich pa pasłuhu prychodziać kožny hod.
Navošta rasijanie jeduć u Biełaruś
Staršynia RSTI adznačyŭ, što ŭ Biełaruś naviedvajucca roznyja katehoryi turystaŭ z roznymi patrebami. U pieršuju čarhu turystyčnaja placoŭka Biełarusi pryvabnaja sanatoryjami i azdaraŭlenčymi SPA-kompleksami z dosyć bahataj infrastrukturaj. Taksama turystam cikavy sam Minsk.
Hości ŭsio čaściej vybirajuć tur vychadnoha dnia praciahłaściu ad troch dzion da tydnia.
I heta apraŭdana: vakoł stalicy dastatkova kłasičnych zabaŭ, havorka idzie pra pajezdki ŭ zapaviednik, naviedvańnie zamkaŭ i etnahrafičnych muziejaŭ. Ź niekłasičnaha — teatry, cyrk, akvapark, šopinh, kazino, načnoje žyćcio. Turystaŭ taksama cikaviać ekskursii: vyhadnyja hrupavyja tury abo samastojnyja padarožžy na arandavanaj mašynie.
«Ekskursijnaja prahrama ŭ Biełarusi dosyć cikavaja za košt bahataj historyi. Biełaruskim haradam tysiača i bolš hadoŭ, heta ŭschodnie-jeŭrapiejskija ziemli, staražytnasłavianskaje karaleŭstva Połackaja Ruś», — kaža Huły.
Jon adznačyŭ, što ŭ adroźnieńnie ad jeŭrapiejskich dziaržaŭ, u Biełarusi ŭ rasijan uźnikaje pačućcio datyčnaści, kali hości apuskajucca ŭ tutejšy historyka-kulturny praces.
«Rasijanam blizkaja historyja tych ža połackich i turaŭskich kniazioŭ. Da taho ž radniać ź Biełaruśsiu asabistyja abstaviny: chtości słužyŭ abo pracavaŭ na terytoryi našaj krainy, u kahości tut žyvuć svajaki», — dadaŭ Huły.
Śpiecyjalist padkreśliŭ pry hetym, što Biełaruś usio jašče adstaje ad Rasii ŭ padychodach raźvićcia infrastruktury, servisu i kadravaj palityki ŭ śfiery turyzmu.
Bližejšym časam buduć vyzvaleny bolš za 150 palitźniavolenych39
Kamientary
______
Ciažka spračacca ź vidavočnym
Jak śpiecyjalist, padkreślu, što Biełaruś adstaje ad Ukrainy pa hałoŭnych pytańniach: dekamunizacyi i deakupacyi.
Adzinaje, što robić Biełaruś "rodnaj" dla rasiejcaŭ - heta ruskaja mova. Kali b my razmaŭlali pa-biełarusku, takoj prablemy nie ŭźnikała ŭvohule.