«Jak i 500 hadoŭ tamu, praŭda i spraviadlivaść na našym baku». Cichanoŭskaja pavinšavała z Dniom vajskovaj słavy
Siońnia my adznačajem Dzień biełaruskaj vajskovaj słavy — dzień, kali naš narod zdabyŭ adnu z najsłaŭniejšych pieramohaŭ u svajoj historyi. U 1514 hodzie ŭ Aršanskaj bitvie našyja prodki zdoleli na doŭhi čas spynić tyja ž samyja zachopnickija ambicyi Rasijskaj dziaržavy, ź jakimi sučasny śviet zmahajecca siońnia, zajaviła Śviatłana Cichanoŭskaja.
«Mienavita Aršanskaja bitva dapamahaje pamiatać istotnuju reč: navat kali siły niaroŭnyja, duch i praŭda na baku tych, chto zmahajecca za spraviadlivaść. Siońnia, jak i tady, Biełaruś sutykajecca z pahrozaj stracić niezaležnaść. Ale dastatkova pahartać padručniki našaj historyi, kab upeŭnicca: narod zaŭsiody zmoža dać adpor ahresaru, bo cenić svabodu i viedaje, jakoj canoj jana nam dastałasia, — kaža Cichanoŭskaja.
Pavodle jaje słoŭ, u Biełarusi jość i sučasnyja hieroi, jakija vajujuć na frantach Ukrainy za svabodu nie tolki hetaj krainy, ale i za niezaležnaść Biełarusi.
«Jany praciahvajuć spravu tych, chto adstojvaŭ našuju ziamlu piać stahodździaŭ tamu — zmahajucca z tym ža ahresaram, što i našyja prodki.
Mety ŭ hetaha ahresara nie źmianilisia: zachapić našuju ziamlu, źniščyć našuju movu, kulturu i prava žyć tak, jak my sami chočam. Jon, jak i 500 hadoŭ tamu, zabivaje biezabaronnych, vypalvaje ŭsio da asnovy», — piša jana.
Cichanoŭskaja dadaje, što «jak i 500 hadoŭ tamu, praŭda i spraviadlivaść na našym baku. Tamu my abaviazkova pieramožam».
Kamientary
Zaŭtra 23 hady z dnia pieršych sfalsifikavanych vybaraŭ u Biełarusi, kali vy jašče ź Siarhiejem Cichanoŭskim pra Aršanskuju bitvu ni snom, ni ducham. Čakajem tvaju čarhovuju zajavu, darahaja.
Zručna