Karanavirus praciahvaje nabyvać siezonny charaktar, a zachvorvańnie praciakaje ŭ asnoŭnym u niaciažkich formach.
Na dolu reśpiratornych infiekcyj prypadaje bolš za 98% ad usiaho infiekcyjnaha zachvorvańnia ŭ Biełarusi, paviedamiŭ na pres-kanfierencyi zahadčyk adździaleńnia imunaprafiłaktyki Respublikanskaha centra hihijeny, epidemijałohii i hramadskaha zdaroŭja Kirył Ihnataŭ, piša «Sputnik».
U pieršuju čarhu źviazana z nadychodam vosieńskaha pieryjadu, farmiravańniem novych dziciačych kalektyvaŭ, pačatkam novaha navučalnaha pracesu, sa skančeńniem adpačynkaŭ i viartańniem darosłaha nasielnictva ŭ svaje pracoŭnyja kalektyvy.
«Taksama ŭ krainie adznačajecca pavieličeńnie kolkaści vypadkaŭ zachvorvańnia COVID-19, heta taksama źviazana z vosieńskim siezonam», — paviedamiŭ Ihnataŭ.
Razam z tym, pavodle jaho słoŭ, hety virus praciahvaje nabyvać siezonny charaktar, a zachvorvańnie praciakaje ŭ asnoŭnym u nieciažkich formach.
Siońnia Minzdaroŭja paviedamiła, što ŭ krainie pakul nie fiksujecca novaha štamu CHIES. Razam z tym, užo bolš za dva hady Minzdaroŭja nie paviedamlaje pra kolkaść vypadkaŭ u dzień, abo navat u miesiac.
Ciapier čytajuć
Fiodar Viktaravič i «Viktar Fiodaravič». Supracoŭnik «Varhiejminha» maje pašpart prykryćcia. Jaho žonka Volha Siamaška — viadomaja žurnalistka22
Kamientary