Rasijski vajskovy karabiel adkryŭ ahoń pa narviežskim sudnie ŭ Arktycy
Rasijski vajskovy karabiel zapatrabavaŭ ad narviežskaha rybałoŭnaha sudna pakinuć rajon u Paŭnočnym Ledavitym akijanie, a kali jano hetaha nie zrabiła, adkryŭ papieradžalny ahoń. Pra heta raskazaŭ vydańniu Politico kapitan paciarpiełaha sudna Ejstejn Orten, piša The Moscow Times.
Pavodle słoŭ Ejstejna Ortena, jon razam sa svajoj kamandaj ź piaci čałaviek sutyknuŭsia ź vialikim supraćłodkavym karablom VMF RF «Admirał Leŭčanka» 12 vieraśnia.
«Mianie vyklikali pa radyjo: «Heta rasijski vajskovy karabiel, vam treba pakinuć hety rajon». Ja adkazaŭ, što pra heta nie moža być i havorki», — pierakazaŭ Orten dyjałoh.
Paśla hetaha 163-mietrovy vajskovy karabiel nakiravaŭsia da 15-mietrovaj rybałoŭnaj łodki, trubiačy ŭ hudok i robiačy papieradžalny streł, jaki vybuchnuŭ u vadzie kala narviežskaha sudna.
«Heta byŭ mahutny vybuch, našu łodku tresła», — skazaŭ Orten, dadaŭšy, što jany chutka adpłyli na biaśpiečnuju adlehłaść.
Pradstaŭnik Abjadnanaha štaba Uzbrojenych sił Narviehii paćvierdziŭ, što pamiž rasijskim vajskovym karablom i narviežskim rybałoŭnym sudnam adbylisia pieramovy pa radyjo, ale papieradžalny streł nie byŭ zafiksavany.
Incydent adbyŭsia ŭ vyklučnaj ekanamičnaj zonie Narviehii ŭ Barancavym mory, jakoje padzielenaje pamiž Narviehijaj i Rasijaj. Da hetaha rasijskija vajskoŭcy pravodzili ŭ narviežskaj ekanamičnaj zonie vučeńni i zapuskali rakiety, što vyklikała hnieŭ u miascovych rybakoŭ.
Ukraincy ździŭlajuć novymi techničnymi rašeńniami: pastavili «Hrady» na marskija drony VIDEA
Ukraincy padbili ŭ Sievastopali jašče adzin rasijski rakietny karabiel. Jon byŭ apošni, jaki moh zapuskać «Kalibry»
Kitaj pabudavaŭ i chavaje ŭ tajamnicy pieršy ŭ śviecie «dronanosiec»
U Sievastopali ŭkraincy trapili rakietaj pa «Kamunie» — najstarejšym vajskovym sudnie Rasii
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie5
Kamientary
Ale ž Pucin niekali kazaŭ, što miadźviedź u tajzie nie pytajecca dazvołu... Adsiul vysnova, što spynić jaho možna tolki dobraj rahacinaj...
Jość adzin pazytyŭny momant u tym zdareńni. Zachad, i asabliva daŭn Šolc, mierkavana zrobiacca bolš zhavorlivymi, što da ŭzbrajeńnia Ŭkrainy j dazvołu joj užyvać zachodniuju zbroju pa terytoryi ahresara biez abmiežavańniaŭ... Tak, hety vypadak pavinny aćviarozić tuhadumaŭ u stalicach zachodnich dziaržavaŭ.