Što viadoma pra siamju z Baranavičaŭ, u jakoj i mužu, i žoncy dali vielizarnyja terminy za «zdradu dziaržavie»
Dźmitryj i Aksana Małočki pryznanyja palitviaźniami. Im prysudzili 12 i 8 hadoŭ źniavoleńnia adpaviedna.
Dźmitryju Małočku 53 hady, Aksanie Małočka — 47. Pa źviestkach prajekta Digital intelligence team, jany ŭ šlubie, u ich troje dziaciej — syn i dźvie dački.
Aksana naradziłasia i vyrasła ŭ Baranavičach. Nijakaj palityčnaj aktyŭnaści na jaje staronkach niama.
Dźmitryj Małočka taksama rodam z Baranavičaŭ. Apošniaje viadomaje jaho miesca pracy — žvirova-sartavalny zavod «Amnievičy» ŭ Baranavičach, jaki vypuskaje piasok i ščebienievyja sumiesi. Paśla Dźmitryj zaniaŭsia ramieśnictvam.
Jaho adzin raz zatrymlivali na pratestach u horadzie — 27 vieraśnia 2020 hoda. Na jaho staronkach jość reposty niezaležnych miedyja, ale ničoha takoha, što ciahnie na złačynstva.
Pa źviestkach Viasny, Dźmitryja i Aksanu zatrymali ŭ listapadzie 2023 hoda i spačatku pasadzili na sutki. Paśla na ich zaviali kryminalnyja spravy ŭ pieraviali ŭ SIZA-7 u Breście.
Ich pačali sudzić 24 lipienia 2024 pa abvinavačańni ŭ «zdradzie dziaržavie» (č. 1 art. 356 KK). Dźmitryju prysudzili dvanaccać hadoŭ kałonii, a Aksanie — vosiem hadoŭ. Sutnaść abvinavačańnia nieviadomaja.
«Naša Niva» — bastyjon biełaruščyny
PADTRYMAĆAjcišnika z-pad Lidy sudziać za «zdradu dziaržavie». Jon doŭhi čas žyŭ u Hiermanii, ale viarnuŭsia ŭ Biełaruś
Pamiatajecie kamunista Ciuchaja, adyjoznaha funkcyjaniera BRSM? Jaho sudziać za zdradu dziaržavie — da 25 hadoŭ źniavoleńnia
Padobna, dvuch top-čynoŭnikaŭ ź Minfina i Mintransa sudziać za chabar i «zdradu dziaržavie»
Kamientary
Tak vyhladit čistka Biełarusi ot biełarusov łukašienkom.
Zapuhivajut pieried očieriednym zachvatom vłasti.
I heta jak najmienš.