Mižnarodny Kanhres daśledčykaŭ Biełarusi nazvaŭ najlepšyja navukovyja publikacyi za 2023 hod

Sioleta viadomaja inicyjatyva ładziłasia nie ŭ tradycyjnym navukovym farmacie — arhanizatary vyrašyli ŭziać paŭzu dla analizu dośviedu i pieraasensavańnia roli i misii Kanhresu na sučasnym etapie raźvićcia biełaruskaja navuki. Adnak kamanda prajekta paličyła važnym pravieści Premiju Kanhresa za najlepšyja navukovyja publikacyi, piša Reform.news.

Ušanavańnie daśledčykaŭ za ich pracy sioleta adbyvałasia ŭ dvuch kirunkach: «Historyja» i «Humanitarnyja navuki». U naminacyi «Sacyjalna-palityčnyja navuki» konkurs u hetym hodzie nie pravodziŭsia.

Jak adznačaje kamanda forumu, sioleta była źmieniena pracedura ahučvańnia vynikaŭ: zamiest abviaščeńnia imionaŭ pieramožcaŭ ekpiertnyja rady vyznačyli rejtynhavyja śpisy lepšych navukovych publikacyj u Biełarusi.

Takim čynam, śpis najlepšych navukovych pracaŭ za 2023 hod vyhladaje tak.

Kirunak «Historyja» (manahrafii):

Dzianis Lisiejčykaŭ, Jaŭhien Hlinski «Madžarskije. Armianskij rod v istorii Biełarusi», ANIV, 2023.

Dzianis Marcinovič «Śluńkoŭ. Palityčnaja bijahrafija», Varšava: Januškievič, 2023.

Andrej Macuk «Paviatovyja sojmiki ŭ sacyjalna-palityčnym žyćci Vialikaha Kniastva Litoŭskaha (1697 — 1764 hh.)», Vilna: EHU, 2023.

«Historyja» (artykuły):

Alaksandr Kazakoŭ «Gunpowder Revolution in the East of Europe and the Battle of Orsha, 1514». The Military Revolution and Revolutions in Military Affairs, edited by Mark Charles Fissel, Berlin, Boston: De Gruyter Oldenbourg, 2023.

Uładzimir Vałodzin, Iryna Ramanava «Nonkanformnaść u Minsku časoŭ adlihi: sprava Kima Chadziejeva i Eduarda Haračaha (1962)». Biełaruski histaryčny ahlad. Tom 30.

Janina Ryjer «The Self and the Other, or Christian Knights and Pagan Lithuanians in the Chronicles of the Teutonic Order from the Fourteenth Century» // Wschodni Rocznik Humanistyczny. T. XX (2023), No 2.

Kirunak «Humanitarnyja navuki» (manahrafii):

Uładzimir Mackievič «Uvodziny ŭ fiłasofiju», Varšava: Januškievič, 2023.

Hanna Aleksiajevič «Uschodnie– i zachodniesłavianskaje moŭnaje ŭzajemadziejańnie ŭ XIV-XVII stst», Minsk: Biełaruskaja navuka, 2023.

Alaksiej Kryvałap «Kulturnaja identyčnaść kreatyŭnych industryj», Minsk: RIVŠ, 2022.

«Humanitarnyja navuki» (artykuły):

1. Ullana Vieryna «Russian-Language Writers in the Transnational Literary Space of Belarus in the 1920s—early 1930s: Paradoxes and the Inevitability of the Collective Project's Failure, «Studia Białorutenistyczne», 2023, t. 17.

2. Ała Pihalskaja «The Concept of Localness (Tuteishaść/) in Visual Communication in Public Space in Belarus as a Source of Exclusion. In Sprawy Narodowościowe», Seria nowa, 2022(54).

3. Žanna Niekraševič-Karotkaja «Kanfihuracyi identyčnaści i hiermienieŭtyčnyja pierśpiektyvy Carmen de bisonte: da 500-hodździa apublikavańnia paemy Mikałaja Husoŭskaha». In: Białorutenistyka Białostocka, 2022, t.14.

Mižnarodny Kanhres daśledčykaŭ Biełarusi (International Congress of Belarusian Studies) — štohadovy akademičny i ekśpiertny forum daśledčykaŭ Biełarusi i rehijona Centralnaj i Uschodniaj Jeŭropy. Jon byŭ zasnavany pradstaŭnikami biełaruskaj i litoŭskaj hramadskaści ŭ 2010 hodzie z metaj intehracyi daśledčykaŭ i ekśpiertaŭ u palityčnaj, sacyjalnaj i humanitarnaj śfierach, spryjańnia bolš hłybokamu razumieńniu Biełarusi ŭ akademičnych i hramadskich asiarodkach krain rehijonu i śvietu. Kanhres źjaŭlajecca samaj pradstaŭničaj štohadovaj akademičnaj i ekśpiertnaj padziejaj Biełarusi, u pracy jakoj prymajuć udzieł usie asnoŭnyja intelektualnyja centry daśledavańnia hramadstva, palityki i kultury Biełarusi.

Sioleta zamiest zvykłaha navukovaha farmatu ŭ Kaŭnasie 26—28 vieraśnia była praviedziena kanfierencyja partnioraŭ dla refleksii nad dośviedam Kanhresa 2011-2023 hadoŭ i vypracoŭki jaho stratehii i misii na budučyniu.

• 0
• 0
• 0
• 0
• 0
• 0
• 0
• 0