Adrodžanuju premiju «Za svabodu dumki» atrymaŭ viadomy muzyčny hurt
U Biełaruskim domie ŭ Varšavie adbyłosia ŭračystaje ŭručeńnie premii «Za svabodu dumki» imia Vasila Bykava. Viała cyrymoniju paetka i televiadučaja Valaryna Kustava, a pieramožcaŭ abjaŭlaŭ kiraŭnik Biełaruskaj rady kultury Siarhiej Budkin.
Adrodžanaja paśla pierapynku premija dastałasia hurtu Naviband.
Na imprezu, kab pavinšavać pieramožcaŭ, zavitała nacyjanalnaja lidarka Śviatłana Cichanoŭskaja. Jana pryznałasia, što Naviband — jaje ŭlubiony hurt, jaki siarod inšaha dapamoh joj pryjści da biełaruščyny.
Byŭ na cyrymonii i Pavieł Łatuška, choć nie vystupaŭ. A daradca Śviatłany Cichanoŭskaj Alaksandr Milinkievič vystupiŭ i adznačyŭ:
«U Biełarusi taksama vajna, nie tolki va Ukrainie. I što ž nam treba zrabić, kab pieramahčy? Kab kraina adradziłasia, treba nie zhubić duch, nie zhubić siłu voli. I tamu adradžeńnie premii źjaŭlajecca simvałam».
Minski indy-pop hurt Naviband byŭ stvorany ŭ 2013 hodzie, kali vakalisty Ksienija Žuk i Arciom Łukjanienka vypadkova sustrelisia i vyrašyli śpiavać duetam.
U nastupnyja hady muzykanty vystupali na bujnych placoŭkach i fiestyvalach i stanavilisia pieramožcami muzyčnych nacyjanalnych konkursaŭ u roznych naminacyjach. U 2017 hodzie Naviband pieramoh u nacyjanalnym adbory na mižnarodny konkurs «Jeŭrabačańnie» ź pieśniaj «Historyja majho žyćcia». Takim čynam pieśnia na biełaruskaj movie ŭpieršyniu trapiła na «Jeŭrabačańnie», dzie prajšła ŭ finał.
Letam 2020 hoda hurt zapisaŭ pieśniu «Inšymi», pryśviečanuju tahačasnym padziejam u Biełarusi i asudziŭ hvałt siłavikoŭ u dačynieńni da mirnych demanstrantaŭ. Padčas pratestaŭ muzyki vychodzili na maršy, zapisvali videazvaroty i vystupali na dvarovych kancertach. Vosieńniu 2020 hoda muzyki emihravali ŭ Polšču.
U hetym hodzie hurt vydaŭ viniłavuju kružełku «Pieśni pra dom», kudy ŭvajšli sinhły 2020—2023 hadoŭ, a taksama stvaryŭ šerah novych sinhłaŭ: «Prabač», «Sokał», «Aryjon», «Mama».
Letam 2024 hoda kranalnaja pieśnia «Mama», kavier na jakuju amal adrazu zrabiŭ Lavon Volski, stała adnym z najbolš paznavalnych chitoŭ u biełaruskaj muzyčnaj prastory. Ciapier hurt zapisaŭ novy albom i abiacaje prezientavać jaho vosieńniu.
Premijaj «Za svabodu dumki» imia Vasila Bykava ŭznaharodžvajucca vybitnyja tvorčyja asoby i hramadskija aktyvisty, jakija adznačylisia svajoj dziejnaściu na karyść svabodnaj Biełarusi. Łaŭreatami premii «Za svabodu dumki» imia Vasila Bykava ŭ roznyja hady stanavilisia:
- Paety i piśmieńniki: Ryhor Baradulin, Nił Hilevič, Uładzimier Arłoŭ, Uładzimier Niaklajeŭ.
- Litaratary i hramadskija dziejačy: Pavał Sieviaryniec.
- Mastaki: Aleś Puškin, Aleś Maračkin.
- Krajaznaŭcy: Ada Rajčonak, Aleś Biełakoz.
- Muzyki i vykanaŭcy: Lavon Volski, Źmicier Vajciuškievič, bard i akcior Viktar Šałkievič.
- Režysior: Valer Mazynski.
- Pradprymalnik i hramadski dziejač: Źmicier Daškievič.
Staŭ viadomy šort-list litaraturnaj Premii Ježy Hiedrojcia. Chto trapiŭ u vynikovuju šaściorku?
Mižnarodny Kanhres daśledčykaŭ Biełarusi nazvaŭ najlepšyja navukovyja publikacyi za 2023 hod
Źniavolenyja biełaruskija advakaty stali łaŭreatami premii ŭ halinie pravoŭ čałavieka 2024 hoda
Vydaviectva «Januškievič» atrymała prestyžnuju amierykanskuju premiju
Ciapier čytajuć
U centry Minska tajamniča źnikła dačka dyrektara bujnoha ahrakompleksu10
Kamientary
Cikava ž, čaho maŭčycio pra tvorčuju asobu
Vo brachlivy robat