U Dzień Voli hurt NaviBand prezientuje klip i novuju pieśniu «Sokał». U hałoŭnaj roli — udzielnik «Kupałaŭcaŭ», zasłužany artyst Biełarusi Ihar Sihoŭ.
Pieśnia z novaha alboma hurta, reliz jakoha zapłanavany na vosień. Režysior videa — Arciom Łobač. Zdymki adbyvalisia ŭ tym liku kala polska-biełaruskaj miažy.
— Svaboda i kachańnie — toje, za što zaŭždy zmahalisia ludzi. Čałaviek imkniecca da svajoj svabody praz vyprabavańni, praz straty. Heta baluča, heta strašna, ale praŭda na našym baku i rana ci pozna śviatło pieramoža ciemru. U Biełarusi, va Ukrainie, va ŭsim śviecie. Mienavita heta my pasprabavali adlustravać u našaj pieśni i klipie, — tłumačyć Arciom Łukjanienka.
— Ja ihraju rolu čałavieka, jaki vymušana pakidaje svoj dom. Nie tamu, što choča, a tamu što vymušany ŭsio pakinuć i prajści praz vyprabavańni, jakija padrychtavała jamu žyćcio. Heta vielmi blizkaja šmat kamu zaraz historyja, ja byŭ rasčuleny, kali ŭpieršyniu pasłuchaŭ pieśniu, — kaža Ihar Sihoŭ. — Hałoŭnaja ideja videa i pieśni — nie zdavacca, dabivacca taho, pra što maryš, jak by nie było składana. Heta vielmi važna zaraz.
25 maja Naviband śviatkuje 10 hadoŭ na scenie vialikim kancertam na adnoj z hałoŭnych placovak Varšavy — u kłubie Progresja. Kvitki na sajcie Relivent.
Ciapier čytajuć
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA50
Jak asabistaja doktarka Łukašenki vučyć biełarusaŭ canić radzimu, a sama skuplaje luks i adpačyvaje na Błakitnym Bierazie ŠMAT FOTA
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny44
Kamientary