Tolki try damy sastarełych atrymali licenzii. Raniej pracavała bolš za 20
Nahadajem, z 1 kastryčnika pryvatnym damam sastarełych u Biełarusi treba mieć licenziju, kab pracavać.
Ciapier čynoŭniki paviedamili na STB, što try pryvatnyja pansijanaty z 24 majuć licenzii.
Licenzavańnie ŭviali, bo, jak śćviardžajecca, ad ludziej, čyje svajaki byli ŭ hetych pryvatnych ustanovach, pastupała šmat skarhaŭ.
«Prablemy ŭ arhanizacyi charčavańnia — svajaki źviartalisia z pytańniami, što pražyvajučych davodzili da stanu źniasileńnia, byli vypadki kali vyjaŭlali karostu, nie ŭ adnaho čałavieka, a masava», — prakamientavała Natalla Karavaja, načalnica ŭpraŭleńnia arhanizacyi sacyjalnaha absłuhoŭvańnia Ministerstva pa pracy i sacyjalnaj abaronie.
Siarod častych parušeńniaŭ — adsutnaść pažarnaj sihnalizacyi, evakuacyjnych vychadaŭ, prablemy z płaniroŭkami.
«Naša Niva» raniej pisała, što ŭ niekatorych damach sastarełych novyja patrabavańni nazyvali nievykanalnymi. Reč u tym, što bolšaść damoŭ sastarełych abstalavanyja ŭ zvyčajnych žyłych damach, jakija nichto nie prajektavaŭ z zachavańniem standartaŭ balnic.
Namieśnik načalnika Hałoŭnaha ŭpraŭleńnia nahladu i prafiłaktyki MNS Biełarusi Alaksandr Šykuć śćviardžaje, što vykanać normy nieskładana:
«Kali raniej u adpaviednaści z zakanadaŭstvam treba było rabić paŭnavartasnuju rekanstrukcyju budynka ź pieravodam z žyłoha ŭ niežyły, to ciapier dastatkova vykanać pieralik patrabavańniaŭ, vykładzienych uradam, kab budynak moh funkcyjanavać i vykarystoŭvacca pad abjekt sacyjalnaha absłuhoŭvańnia».
Ludzi raskazvali «Našaj Nivie», jak im terminova daviałosia šukać, kudy pieravieści svaich svajakoŭ — alternatyŭ było vobmal. Hetu prablemy pryznali i na dziaržTB.
«Ja ciapier prosta baču, što jość prablema z prystrojkaj ludziej. Ich vielizarnaja kolkaść ludziej. Pa 20 zvankoŭ u dzień», — adznačyła administratarka Doma miłasernaści Kaciaryna Kazłova.
Dvajniki viadomych biełarusaŭ. I nie kažycie, što nie zadumvalisia pra ich padabienstva3
Dvajniki viadomych biełarusaŭ. I nie kažycie, što nie zadumvalisia pra ich padabienstva
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ2929
Kamientary