Abvinavačanyja ŭ napadzie na Leanida Vołkava mohuć vyjści pad zakład
Sud u Polščy vyrašyŭ, što dvoje abvinavačanych u napadzie na Leanida Vołkava mohuć być vyzvalenyja z-pad varty, kali ŭniasuć zakład. Pra heta ahienctvu Reuters paviedamiŭ advakat adnaho z abvinavačanych.
«Kožny pavinien budzie na praciahu tydnia zapłacić pa 50 tysiač złotych (12 700 dalaraŭ). Kali jany zapłaciać, to buduć adpuščanyja, kali nie zapłaciać — nie buduć», — skazaŭ abaronca.
Napad na Leanida Vołkava byŭ ździejśnieny 12 sakavika ŭ Vilni. U krasaviku dvoje padazravanych u napadzie byli zatrymanyja ŭ Polščy. U červieni sud admoviŭsia ekstradavać ich u Litvu, bo suprać ich idzie šyrokamaštabnaje rasśledavańnie polskimi prakurorami, nahadvaje Bi-bi-si.
U kancy vieraśnia ŭ Polščy taksama byŭ zatrymany rasijanin Anatol Blinoŭ, jakoha sajuźniki Alaksieja Navalnaha nazyvali arhanizataram napadu na Vołkava. Zamoŭnikam złačynstva kamanda Navalnaha ličyć byłoha suŭładalnika JUKASa Leanida Nieŭźlina.
Nieŭźlin admaŭlaje datyčnaść «da jakich by to ni było napadaŭ na ludziej».
Kamientary
Typovy bot-kamient pad luboj navinaju pra achviary siarod vorahaŭ pucinskaha i łukašenkaŭskaha režymaŭ - pisać pra toje, što nie takija jany i achviary. Chaj źbivajuć, chaj zabivajuć.