Суд у Польшчы вырашыў, што двое абвінавачаных у нападзе на Леаніда Волкава могуць быць вызваленыя з-пад варты, калі ўнясуць заклад. Пра гэта агенцтву Reuters паведаміў адвакат аднаго з абвінавачаных.
«Кожны павінен будзе на працягу тыдня заплаціць па 50 тысяч злотых (12 700 даляраў). Калі яны заплацяць, то будуць адпушчаныя, калі не заплацяць — не будуць», — сказаў абаронца.
Напад на Леаніда Волкава быў здзейснены 12 сакавіка ў Вільні. У красавіку двое падазраваных у нападзе былі затрыманыя ў Польшчы. У чэрвені суд адмовіўся экстрадаваць іх у Літву, бо супраць іх ідзе шырокамаштабнае расследаванне польскімі пракурорамі, нагадвае Бі-бі-сі.
У канцы верасня ў Польшчы таксама быў затрыманы расіянін Анатоль Бліноў, якога саюзнікі Аляксея Навальнага называлі арганізатарам нападу на Волкава. Замоўнікам злачынства каманда Навальнага лічыць былога суўладальніка ЮКАСа Леаніда Неўзліна.
Неўзлін адмаўляе датычнасць «да якіх бы то ні было нападаў на людзей».
Цяпер чытаюць
«Пуцін не ведаў, што гэта выльецца ў такую вайну». Галоўнае з інтэрв'ю Лукашэнкі8
Каментары
Тыповы бот-камент пад любой навінаю пра ахвяры сярод ворагаў пуцінскага і лукашэнкаўскага рэжымаў - пісаць пра тое, што не такія яны і ахвяры. Хай збіваюць, хай забіваюць.