U Biełaruś pryjšoŭ štam CHIES. Karanavirus, praŭda, siońnia nie taki ahresiŭny, jak u pieryjad raspaŭsiudu štamu «Delta», adnak jość katehoryi ludziej, jakim nie pieraškodzić zrabić pryščepki, piša sb.by.
U apošnija miesiacy navukoŭcy zaniepakojenyja źjaŭleńniem novych madyfikacyj virusa, naprykład, štamu FLiRT, jaki charaktaryzujecca pieravažnaj parazaj vierchnich dychalnych šlachoŭ i vysokaj chutkaściu raspaŭsiudu. Ale jość i dobryja naviny: miedyki miarkujuć, što čaściej za ŭsio jaho kliničnaje ciačeńnie niaciažkaje.
Što ž tyčycca vakcynacyi, doktar miedycynskich navuk, prafiesar, rektar Homielskaha dziaržaŭnaha mieduniviersiteta Ihar Stoma pierakanany,
što pryščaplacca ŭsim zapar siońnia niama nieabchodnaści.
Ale jość hrupy ryzyki, jakim varta zrabić pryščepki. Heta ludzi starejšyja za 65 hadoŭ, pacyjenty ź ciažkimi chraničnymi zachvorvańniami, ankachvoryja, a taksama ludzi ź VIČ abo inšymi imunadepresiŭnymi stanami.
Pryčym ekśpiert rekamienduje hetym katehoryjam hramadzian pryščapicca jak ad hrypu, tak i ad karanavirusa.
— Bustarnaja vakcynacyja maje značeńnie pry vykarystańni vakcyny «Sputnik Łajt» z aktualizavanym antyhiennym składam, jaki źmiaščaje varyjant virusa amikron, — rastłumačyŭ Ihar Stoma.
«Ja taja jašče pamidorka». Što Ihar Tur piša ŭ telehram-čatach sa svajho asnoŭnaha akaŭnta4
Kamientary