У Беларусь прыйшоў штам ХЕС. Каранавірус, праўда, сёння не такі агрэсіўны, як у перыяд распаўсюду штаму «Дэльта», аднак ёсць катэгорыі людзей, якім не перашкодзіць зрабіць прышчэпкі, піша sb.by.
У апошнія месяцы навукоўцы занепакоеныя з'яўленнем новых мадыфікацый віруса, напрыклад, штаму FLiRT, які характарызуецца пераважнай паразай верхніх дыхальных шляхоў і высокай хуткасцю распаўсюду. Але ёсць і добрыя навіны: медыкі мяркуюць, што часцей за ўсё яго клінічнае цячэнне няцяжкае.
Што ж тычыцца вакцынацыі, доктар медыцынскіх навук, прафесар, рэктар Гомельскага дзяржаўнага медуніверсітэта Ігар Стома перакананы,
што прышчапляцца ўсім запар сёння няма неабходнасці.
Але ёсць групы рызыкі, якім варта зрабіць прышчэпкі. Гэта людзі старэйшыя за 65 гадоў, пацыенты з цяжкімі хранічнымі захворваннямі, анкахворыя, а таксама людзі з ВІЧ або іншымі імунадэпрэсіўнымі станамі.
Прычым эксперт рэкамендуе гэтым катэгорыям грамадзян прышчапіцца як ад грыпу, так і ад каранавіруса.
— Бустарная вакцынацыя мае значэнне пры выкарыстанні вакцыны «Спутнік Лайт» з актуалізаваным антыгенным складам, які змяшчае варыянт віруса амікрон, — растлумачыў Ігар Стома.
Цяпер чытаюць
Ціханоўскі: Ціханоўскай можна было ў 2020‑м не пабаяцца турмы. І, можа, у беларусаў быў бы шанец95
Каментары