Mahutny vybuch prahrymieŭ kala štab-kvatery tureckaj aerakaśmičnaj kampanii TUSAŞ niedaloka ad Ankary, paviedamlajuć ułady krainy i tureckija ŚMI. Pavodle źviestak MUS Turcyi, u vyniku jość zahinułyja i paciarpiełyja.
Ułady nazvali toje, što adbyłosia teraktam. Jaho nibyta ździejśniŭ teraryst-śmiarotnik.
«Suprać tureckaj aerakaśmičnaj pramysłovaści byŭ ździejśnieny terarystyčny napad. Na žal, u nas jość zahinułyja i paranienyja», — napisaŭ kiraŭnik viedamstva Ali Jerlikaja ŭ sacsietcy X.
Miascovyja ŚMI taksama pišuć pra pierastrełku kala ofisa TUSAŞ. Taksama źjaŭlajucca niepaćvierdžanyja źviestki pra nibyta zachop zakładnikaŭ.
Kadry vybuchu i nastupnaj pierastrełki na vytvorčym abjekcie avijakaśmičnaj kampanii TUSAŞ ŭ Ankary publikuje tureckaje vydańnie Hürriyet.
Kampanija TUSAŞ vyrablaje źniščalniki KAAN, viertaloty, u tym liku T129 ATAK, bieśpiłotniki ANKA, kaśmičnyja spadarožniki, a taksama zajmajecca madernizacyjaj źniščalnikaŭ F-16.
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali: heta rasijanie jaho viaduć. Nie, za im staić supierahient Łukašenki3838
Kamientary