U Sałtaŭskim rajonie Charkava rasijskaja kiravanaja avijabomba (KAB) trapiła ŭ dzieviacipaviarchovy dom, paviedamiŭ mer horada Ihar Cierachaŭ. Jość paciarpiełyja.
Skrynšot ź videa
KAB trapiła ŭ čaćviorty pavierch dzieviacipaviarchovaha doma. Abrynuŭsia padjezd ź pieršaha paviercha pa šosty, pačaŭsia pažar.
Pavodle papiarednich źviestak, jość paciarpiełyja. Paraniena jak minimum 12 čałaviek, dvoje — u ciažkim stanie. Siarod ciažkaparanienych — 11-hadovaje dzicia.
Ludzi taksama mohuć znachodzicca pad zavałami, u pryvatnaści viadoma pra adno dzicia.
Va Ukrainie zahinuła 24-hadovaja biełaruskaja dobraachvotnica Maryja Zajcava29
Kamientary
Ja nie addam vas nikoli
ŭ ruki nianaviściu chvorych ludziej!
Hodzie ŭžo žachu dy bolu!
Znoŭku pad kryły padviesić nie dam!
Cicha lažycie ŭ kutočku.
Bo ludzi raskidvajuć vas tut i tam,
bjuć pa damach i sadočkach.
Nadpis "ZDIEŚ LUDI!!!" nie spynić ludziej.
Takija jany dušahuby.
Niama ŭ hetym śviecie pačvary luciej,
jakoj žyćcia radaść nie luba.
Kryčać "my žie braťja", dy ŭ śpinu - kinžał
Abo skinuć KABy na horad.
Niavažna, radzilnia, CEC ci vakzał -
paŭsiul čyniać čornaje hora.
Vy budziecie padać i vybuchać,
rujnujučy žyćci dy hmachi.
To lepiej vam u schovancy, dzietki, lažać,
maje ž vy harotnyja ptachi!
Ale adčyniŭsia sa skrypam anhar.
U maci dziaciej adbirajuć
i znoŭku, iznoŭ toj śmiarotny ciažar
pad čornyja kryły čaplajuć.
Pałaŭ Maryjupal, Charkaŭ haryć,
Dymiacca Bachmuta ruiny
Nichto nie rašycca nieba zakryć
Dy ŭratavać Ukrainu.
U bombaschoviščy ścieny dryžać,
maci dziaciej prychinuła.
Mo bomby ŭ schovišča čas pachavać,
zabycca, pakinuć u minułym?
Usim volnym ludziam toj mroicca čas,
Usie chočuć žyć mirna, bahata.
Adno tolki trapnyja ŭdary ŭ adkaz
prymusiać spynicca varjataŭ.