У Салтаўскім раёне Харкава расійская кіраваная авіябомба (КАБ) трапіла ў дзевяціпавярховы дом, паведаміў мэр горада Ігар Церахаў. Ёсць пацярпелыя.
Скрыншот з відэа
КАБ трапіла ў чацвёрты паверх дзевяціпавярховага дома. Абрынуўся пад'езд з першага паверха па шосты, пачаўся пажар.
Паводле папярэдніх звестак, ёсць пацярпелыя. Паранена як мінімум 12 чалавек, двое — у цяжкім стане. Сярод цяжкапараненых — 11-гадовае дзіця.
Людзі таксама могуць знаходзіцца пад заваламі, у прыватнасці вядома пра адно дзіця.
Вучылася на настаўніцу беларускай мовы, строіла палкоўнікаў. Шэсць фактаў пра Вольгу Чамаданаву, якая ідзе на выбары19
Каментары
Я не аддам вас ніколі
ў рукі нянавісцю хворых людзей!
Годзе ўжо жаху ды болю!
Зноўку пад крылы падвесіць не дам!
Ціха ляжыце ў куточку.
Бо людзі раскідваюць вас тут і там,
б'юць па дамах і садочках.
Надпіс "ЗДЕСЬ ЛЮДИ!!!" не спыніць людзей.
Такія яны душагубы.
Няма ў гэтым свеце пачвары люцей,
якой жыцця радасць не люба.
Крычаць "мы же братья", ды ў спіну - кінжал
Або скінуць КАБы на горад.
Няважна, радзільня, ЦЭЦ ці вакзал -
паўсюль чыняць чорнае гора.
Вы будзеце падаць і выбухаць,
руйнуючы жыцці ды гмахі.
То лепей вам у схованцы, дзеткі, ляжаць,
мае ж вы гаротныя птахі!
Але адчыніўся са скрыпам ангар.
У маці дзяцей адбіраюць
і зноўку, ізноў той смяротны цяжар
пад чорныя крылы чапляюць.
Палаў Марыюпаль, Харкаў гарыць,
Дымяцца Бахмута руіны
Ніхто не рашыцца неба закрыць
Ды ўратаваць Украіну.
У бомбасховішчы сцены дрыжаць,
маці дзяцей прыхінула.
Мо бомбы ў сховішча час пахаваць,
забыцца, пакінуць у мінулым?
Усім вольным людзям той мроіцца час,
Усе хочуць жыць мірна, багата.
Адно толькі трапныя ўдары ў адказ
прымусяць спыніцца вар'ятаў.