Ekanomika5757

Za najpapularniejšym ruskamoŭnym miedyja Varšavy stajać biełarusy

The Warsaw, jaki pačynaŭsia ź nievialikaha pablika ŭ sacsietkach, za niekalki hadoŭ pieratvaryŭsia ŭ hałoŭnaje miedyja dla emihrantaŭ z postsavieckaj prastory. 

Kałaž «Naša Niva»

Na historyju stvareńnia prajekta pralili śviatło ŭ novym vypusku šou «o(b)suždajem». U hetym miedyja siońnia pracuje i Hleb Siamionaŭ, adzin ź viadoŭcaŭ šou.

Ruskamoŭnyja pabliki pra Varšavu, aryjentavanyja na mihrantaŭ z postsavieckaj prastory, za apošnija hady pieraraśli ŭ sapraŭdnaje miedyja sa svaim sajtam i papularnymi akaŭntami ŭ sacsietkach. Naprykład, instahram The Warsaw siońnia maje bolš za 140 tysiač padpisčykaŭ.

Pryčyna takoj papularnaści nie tolki ŭ jakasnym i dastupnym kantencie, ale i ŭ toj vielizarnaj płyni mihrantaŭ, jakija biahuć ź Biełarusi, Rasii i Ukrainy ad represij ci ad vajny. Mnohija emihranty, jakija jašče nie całkam źlilisia z polskamoŭnym asiarodździem, atrymlivajuć infarmacyju pra padziei ŭ polskaj stalicy z The Warsaw. 

Sajt The Warsaw. Skryšot hałoŭnaj staronki

Ale mienavita biełarusy faktyčna stali infarmacyjnymi manapalistami ŭ Varšavie siarod ruskamoŭnaj aŭdytoryi. Zaprošany ŭ šou stvaralnik The Warsaw biełaruski ajcišnik Uład Łáŭryš, ličyć, što takaja situacyja skłałasia vypadkova.

Sam jon pryjechaŭ u Polšču zadoŭha da trahičnych padziej apošnich hadoŭ i siońnia zbolšaha zajmajecca raźvićciom ułasna stvoranaha miedyja. 

Uład Łaŭryš u šou «o(b)suždajem». Skrynšot videa.

Pieršyja dumki stvaryć taki prajekt u chłopca źjavilisia jašče ŭ 2017 hodzie, kali tolki pierajechaŭ u Varšavu. Tady jon nie viedaŭ čym zaniać siabie ŭviečary ŭ horadzie. Svaju prablemu Łaŭryš vyrašyŭ sam — pačaŭ manitoryć polskija resursy ź mierapryjemstvami i vieści pablik «Kudy pajści ŭ Varšavie». Pierakład na ruskuju movu dapamoh jamu vyvučyć polskuju movu.

Błoh spačatku nie prynosiŭ nijakaha prybytku. Ale novy prajekt The Warsaw, jaki źjaviŭsia ŭ 2019 hodzie, Łaŭryš stvaraŭ užo majučy dobryja suviazi. Prajekt za piać hadoŭ vyras da vialikaha i prybytkovaha haradskoha vydańnia.

Na stvareńnie jašče adnaho błoha «Jak žyć u Varšavie», u jakim sam Łaŭryš robić ahlady kaviarniaŭ, vystavak i cikavostak polskaj stalicy, jak pryznajecca chłopiec, jaho natchniŭ minski fudbłohier Kakabaj. 

«Naša Niva» — bastyjon biełaruščyny

PADTRYMAĆ

Kamientary57

  • Tak
    03.11.2024
    Pra rusifikavanaść biełarusaŭ, jakija biez rasiejskaj movy navat pa-za Biełaruśju i Rasija nijak nie mohuć, asobnaja sprava. Zrešty, jak i pra "aryjentavanyja na mihrantaŭ z postsavieckaj prastory", postsaviecija ludzi z rasiejskaj kulturnaj padstavaj, biez nacyjanalnaj śviadomaści, što ž.

    Ale adnosna prajektu, tam časta traplalisia kapipasty ci pieradruki navin zusim biez asensavańnia, faktčekinhu, pravierki ci tłumačeńnia dla "zialonych" u temie, tak što tak sabie. Lepš užo b biełarusy ŭ biełaruskich ŚMI čytali, što ŭ Polščy (chacia tut taksama jość padobnyja prablemy), a najlepš u miascovych polskich. Nu chiba, što jość achvota žyć u rasiejska(moŭnym) hieta.
  • Tak
    03.11.2024
    Jak niadaŭna napisaŭ adzin ź biełaruskich intelektuałaŭ, stvarajucca dźvie nacyi, pry čym adna biełorusskaja źlijecca z rasiejskaj.

    Jašče ŭźnikaje pytańnie, ci takich hramadzianam RB nie soramna ciahnuć rasiejščynu za miažu? Asabliva ŭ Polšču z ulikam jaje historyi, śviadomaści i kultury. Ci ŭźnikaje choć "piksiel" refleksii ŭ hetych biełorusskich maładzionaŭ?
  • Zakon SVOBODNOHO rynka
    03.11.2024
    Andruś, nu vied́ eto biźnies. Ochvat, prosmotry, riekłama....
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Čamu ŭ Biełarusi imkliva padaje naradžalnaść?13

Čamu ŭ Biełarusi imkliva padaje naradžalnaść?

Usie naviny →
Usie naviny

Bieły dom: vałodańnie ZŠA atamnymi elektrastancyjami Ukrainy budzie ich najlepšaj abaronaj11

Stali viadomyja novyja detali pieramoŭ Trampa i Zialenskaha

«Adnaznačna było strašna». Pamiežniki pažartavali z brytanskaha tyktokiera, jaki prasiŭ DNŽ u Kubrakova12

Dziaržynsk praz avaryju zastaŭsia biez haračaj vady i aciapleńnia1

«Mnie soramna, ale ja navat nie pamiataju». Stali viadomyja novyja padrabiaznaści z pracesu zdymak emihrantaŭ dla kino na BT21

Tramp paviedamiŭ, što razmova ź Zialenskim prajšła «vielmi dobra»5

Aryna Sabalenka pakazała, jak hatavała svajmu brazilskamu bojfrendu draniki28

Futbolnyja lehijaniery z Afryki raskazali, jak im zachodziać stravy biełaruskaj kuchni2

Na ANT źniali film pra mytnika, asudžanaha za zdradu dziaržavie2

bolš čytanych navin
bolš łajkanych navin

Čamu ŭ Biełarusi imkliva padaje naradžalnaść?13

Čamu ŭ Biełarusi imkliva padaje naradžalnaść?

Hałoŭnaje
Usie naviny →

Zaŭvaha:

 

 

 

 

Zakryć Paviedamić