Эканоміка5757

За найпапулярнейшым рускамоўным медыя Варшавы стаяць беларусы

The Warsaw, які пачынаўся з невялікага пабліка ў сацсетках, за некалькі гадоў ператварыўся ў галоўнае медыя для эмігрантаў з постсавецкай прасторы. 

Калаж «Наша Ніва»

На гісторыю стварэння праекта пралілі святло ў новым выпуску шоу «о(б)суждаем». У гэтым медыя сёння працуе і Глеб Сямёнаў, адзін з вядоўцаў шоу.

Рускамоўныя паблікі пра Варшаву, арыентаваныя на мігрантаў з постсавецкай прасторы, за апошнія гады перараслі ў сапраўднае медыя са сваім сайтам і папулярнымі акаўнтамі ў сацсетках. Напрыклад, інстаграм The Warsaw сёння мае больш за 140 тысяч падпісчыкаў.

Прычына такой папулярнасці не толькі ў якасным і даступным кантэнце, але і ў той велізарнай плыні мігрантаў, якія бягуць з Беларусі, Расіі і Украіны ад рэпрэсій ці ад вайны. Многія эмігранты, якія яшчэ не цалкам зліліся з польскамоўным асяроддзем, атрымліваюць інфармацыю пра падзеі ў польскай сталіцы з The Warsaw. 

Сайт The Warsaw. Скрышот галоўнай старонкі

Але менавіта беларусы фактычна сталі інфармацыйнымі манапалістамі ў Варшаве сярод рускамоўнай аўдыторыі. Запрошаны ў шоу стваральнік The Warsaw беларускі айцішнік Улад Ла́ўрыш, лічыць, што такая сітуацыя склалася выпадкова.

Сам ён прыехаў у Польшчу задоўга да трагічных падзей апошніх гадоў і сёння збольшага займаецца развіццём уласна створанага медыя. 

Улад Лаўрыш у шоу «о(б)суждаем». Скрыншот відэа.

Першыя думкі стварыць такі праект у хлопца з'явіліся яшчэ ў 2017 годзе, калі толькі пераехаў у Варшаву. Тады ён не ведаў чым заняць сябе ўвечары ў горадзе. Сваю праблему Лаўрыш вырашыў сам — пачаў маніторыць польскія рэсурсы з мерапрыемствамі і весці паблік «Куды пайсці ў Варшаве». Пераклад на рускую мову дапамог яму вывучыць польскую мову.

Блог спачатку не прыносіў ніякага прыбытку. Але новы праект The Warsaw, які з'явіўся ў 2019 годзе, Лаўрыш ствараў ужо маючы добрыя сувязі. Праект за пяць гадоў вырас да вялікага і прыбытковага гарадскога выдання.

На стварэнне яшчэ аднаго блога «Як жыць у Варшаве», у якім сам Лаўрыш робіць агляды кавярняў, выставак і цікавостак польскай сталіцы, як прызнаецца хлопец, яго натхніў мінскі фудблогер Какабай. 

«Наша Нiва» — бастыён беларушчыны

ПАДТРЫМАЦЬ

Каментары57

  • Так
    03.11.2024
    Пра русіфікаванасць беларусаў, якія без расейскай мовы нават па-за Беларусью і Расія ніяк не могуць, асобная справа. Зрэшты, як і пра "арыентаваныя на мігрантаў з постсавецкай прасторы", постсавеція людзі з расейскай культурнай падставай, без нацыянальнай свядомасці, што ж.

    Але адносна праекту, там часта трапляліся капіпасты ці перадрукі навін зусім без асэнсавання, фактчэкінгу, праверкі ці тлумачэння для "зялёных" у тэме, так што так сабе. Лепш ужо б беларусы ў беларускіх СМІ чыталі, што ў Польшчы (хаця тут таксама ёсць падобныя праблемы), а найлепш у мясцовых польскіх. Ну хіба, што ёсць ахвота жыць у расейска(моўным) гета.
  • Так
    03.11.2024
    Як нядаўна напісаў адзін з беларускіх інтэлектуалаў, ствараюцца дзве нацыі, пры чым адна белорусская зліецца з расейскай.

    Яшчэ ўзнікае пытанне, ці такіх грамадзянам РБ не сорамна цягнуць расейшчыну за мяжу? Асабліва ў Польшчу з улікам яе гісторыі, свядомасці і культуры. Ці ўзнікае хоць "піксель" рэфлексіі ў гэтых белорусских маладзёнаў?
  • Закон СВОБОДНОГО рынка
    03.11.2024
    Андрусь, ну ведь это бизнес. Охват, просмотры, реклама....
 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Дык усё ж ці бяспечны Telegram і для якіх мэтаў бяспечны? Вось што ясна на сёння19

Дык усё ж ці бяспечны Telegram і для якіх мэтаў бяспечны? Вось што ясна на сёння

Усе навіны →
Усе навіны

Маркелаў, Нагорная і Гудзілін адкрываюць у Вільні прастору з лазняй6

Мядзінскі хоча адправіць генсаку НАТА падручнік гісторыі, каб даказаць, што «Украіны ў XII стагоддзі не было»15

У Эстоніі супрацоўніцу «Расіі сегодня» асудзілі на шэсць гадоў за дзяржздраду2

Яшчэ адно вялікае скарачэнне ў беларускім геймдэве2

Больш за 50 еўра за 180 км дарогі. Чаму растуць цэны на аўтобусныя квіткі з Менску ў Вільню12

Не ігнаруйце гэтыя змены скуры — яны могуць сведчыць пра пачатак дыябету6

Пасол Венгрыі па-майстэрску сыграла на аргане ў касцёле ў Магілёве3

Прэзідэнт Сербіі Вучыч упершыню з пачатку вайны наведаe Украіну1

Аўтобус з 22 пасажырамі, мікрааўтобус і легкавы аўтамабіль патрапілі ў ДТЗ на трасе М-1 у Баранавіцкім раёне. Ёсць загінулы1

больш чытаных навін
больш лайканых навін

Дык усё ж ці бяспечны Telegram і для якіх мэтаў бяспечны? Вось што ясна на сёння19

Дык усё ж ці бяспечны Telegram і для якіх мэтаў бяспечны? Вось што ясна на сёння

Галоўнае
Усе навіны →

Заўвага:

 

 

 

 

Закрыць Паведаміць