HUBAZiK pierastaŭ vykładać videa z zatrymanymi. Z dnia, kali da hetaha zaklikaŭ kanał, blizki da Markava
Apošniaje videa z zatrymanym u kanałach HUBAZiK vyjšła 30 kastryčnika. U hety ž dzień u telehram-kanale «Hrafač», blizkim da ministra infarmacyi Marata Markava, vyjšaŭ zaklik ich bolej nie publikavać.
Patok videa z zatrymanymi ad biełaruskich siłavikoŭ nie spyniaŭsia z 2020 hoda. Takoha pierapynku, zdajecca, nie było nikoli.
Pra toje, što nadyšoŭ čas «admianiać» prymusovyja videa, 30 kastryčnika napisaŭ kanał «Hrafač», aŭtarstva jakoha prypisvajuć Maratu Markavu. Tady ž byŭ apublikavany vielizarny dopis pra toje, što štrafavać ludziej za padpiski — heta hłupstva, jakoje pryvodzić da taho, što ludzi vyjazdžajuć za miažu.
Praŭda, padobna, što na realnych represijach novaŭviadzieńnie adbiłasia mała. Z 30 kastryčnika da siońnia stała viadoma pra abłavy HUBAZiK na pradpryjemstvach, a taksama pra abłavu KDB suprać socień biełarusaŭ.
Padobna, hubazikaŭcam zahadali zrabić represii mienš bačnymi pierad vybarami. I heta moža być jak drennym, hetak i dobrym znakam.
Kali represii nie spyniacca, to zaŭvažyć ich jak biełarusam, hetak i mižnarodnaj supolnaści, budzie składaniej. A represii mohuć tolki ŭzmacnicca pierad vybarami.
Kali heta znak źmiakčeńnia represijaŭ, to, mahčyma, režym choča znoŭku hulać u libieralizacyju pierad vybarami.
«Naša Niva» — bastyjon biełaruščyny
PADTRYMAĆVializnaja chvala zatrymańniaŭ — stała zrazumieła, na kaho hetym razam palavali KDB i HUBAZiK
U «Bajsole» raskazali pra apošniuju chvalu masavych zatrymańniaŭ i paraili, što rabić ludziam u zonie ryzyki
Biełarus, jakoha zakranuła apošniaja masavaja abłava KDB, raskazaŭ, jak prachodzili pieratrus i dopyt
«Ja nie vučyła dziaciej śpiavać himn i chadzić šychtom». Razmova z nastaŭnicaj Taćcianaj Krapinievič, jakaja źjechała z krainy praz danosy Bondaravaj2121
«Ja nie vučyła dziaciej śpiavać himn i chadzić šychtom». Razmova z nastaŭnicaj Taćcianaj Krapinievič, jakaja źjechała z krainy praz danosy Bondaravaj21
«Staršynia prosta biłasia hałavoj ab stoł. Paśla nam razdali kanvierty z hrašyma». Nastaŭnica była ŭ vybarčaj kamisii ŭ 2020-m — i voś što pabačyła1616
Kamientary
Heta nienarmalna, što tak vyniščajuć i vydaŭlivajuć narod z krainy!
Mianty, tarakan, jak by vy nie pyžylisia, narod ni lubić, ni vybirać vas nia budzie! Vaša miesca na łavy suda! U lepšym vypadku.