Pieramovy pra heta viaduć biełaruskija eksperty. Usio roŭna šarahovyja biełarusy redka karystajucca ŭsimi mahčymaściami prafesijnych versij, ličać jany. Dyk navošta pierapłočvać?
❏
U 2007 hodzie ŭ Biełarusi budzie raspačataja hlabalnaja prahrama pa baraćbie ź pirackim prahramnym zabieśpiačeńniem. Aproč akcyznych marak, jakija buduć vyłučacca pad lehalnyja partyi dyskaŭ, urad planuje zavabić pad ściahi ź zmahańnia ź piratami vytvorcaŭ prahramaŭ.
Dla taho,kab pierachod ad tannaj nielicnzijnaj pradukcyi da lehalnych kopijaŭ nie spustošyŭ kišeni hramadzianaŭ, kiraŭnictva krainy źbirajecca ŭhavaryć vytvorcaŭ i pastaŭnikoŭ istotna źnizić ceny na PZ dla Biełarusi. U pryvatnaści, havorka idzie pra pastaŭki tak zvanych «ablehčanych» kopijaŭ, pa canie značna nižejšaj ad rynkavaj. Na hety momant viaducca pieramovy z softvernym hihantam Microsoft 'am što da vypusku dla biełaruskaha rynku Windows XP Light .
Ad padobnaj versii, jakaja ŭžo jość na eŭrapiejskim rynku, novy varyjant aperacyjnaj systemy budzie vyłučać najaŭnaść tolki samych nieabchodnych funkcyj. Na dumku ekspertaŭ, što ŭvachodziać u skład admysłovaj kamisii, šarahovyja biełarusy redka karystajucca ŭsimi mahčymaściami prafesijnych versij aperacyjnaj systemy Biła Giejca.
Na siońnia košt paŭnacennaj Windows XP Professional u Miensku kala 160 dalaraŭ. Home edition pradaŭcy hatovyja addać udvaja tańniej. Zrešty, navat samy tanny varyjant AS nie pa kišeni mnohim biełarusam. Kali pieramovy z Microsoft 'am projduć udała, možna budzie kazać pra źjaŭleńnie ŭ Biełarusi aperacyjnaj systemy Light za 20-30 dalaraŭ. Toje samaje tyčycca j licenzijnych hulniaŭ. Praŭda, z apošnimi sytuacyja davoli dalikatnaja.
Rasiejskija dystrybutary i tak prapanujuć dyski pa vykidnoj (u paraŭnańni z Eŭropaj) canie. Zaraz košt adnoj hulniavoj prahramy nie pieravyšaje 8 dalaraŭ. Dla Biełarusi hetaja cana musić być sama mieniej udvaja mienšaj, ličać inicyjatary antypirackaj prahramy. Nia vyklučana, što na kardynalnaje źnižeńnie cany rasiejcy nia pojduć, bo sabiekošt vypusku adnoj kopii prahramy bolš za 3-4 dalary. Da taho ž, Rasieja nie razhladaje biełaruski rynak PZ u jakaści stratehičnaha.
Ciapier čytajuć
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu8989
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu89
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary