U Mahilovie staŭ pracavać adkryty skaładrom. Jon samy vysoki ŭ Biełarusi
U Mahilovie na terytoryi SDIUŠAR «Viktoryja» ŭračysta adkryli novy skaładrom vyšynioj 17 mietraŭ — heta prykładna jak piacipaviarchovy dom. Jak śćviardžajuć haradskija ŭłady, heta samy vysoki skaładrom pad adkrytym niebam va ŭsioj krainie.
Abjekt adpaviadaje alimpijskim standartam i maje dźvie trasy: adna na składanaść uzdymu, a druhaja na chutkaść.
U Mahilovie spartyŭnym skałałažańniem zajmajucca kala 300 dziaciej. Adździaleńnie hetaha vidu sportu ŭ SDIUŠAR «Viktoryja» pracuje ź vieraśnia minułaha hoda.
Trenierka Maryja Samsonava adznačyła, što źjaŭleńnie skaładroma stała važnaj padziejaj nie tolki dla Mahilova, ale i dla ŭsioj Biełarusi, bo spartsmieny atrymali sučasnuju placoŭku dla trenirovak.
Na adkryćci prajšli spabornictvy z udziełam spartsmienaŭ z Mahilova, Homiela, Marjinaj Horki, Škłova i Babrujska. Novy abjekt vysoka acaniŭ i 17‑hadovy rekardsmien Biełarusi pa chutkasnym skałałažańni Ihnat Maksimaŭcoŭ, jaki maje nacyjanalny rekord — 5,9 siekundy.
Pakul skaładrom dastupny tolki dla spartsmienaŭ i znachodzicca na terytoryi spartyŭnaj škoły pad achovaj. Adnak ułady prapracoŭvajuć mahčymaść adkryć jaho i dla žycharoŭ dy haściej horada pad nahladam instruktaraŭ.
Adkryćcio skaładroma stała adnym ź mierapryjemstvaŭ da Dnia horada Mahilova. Taksama tut u najbližejšyja dni płanujecca adkryćcio śviatłomuzyčnaha fantana na race Dubravienka, praviadzieńnie haradskich fiestyvalnych mierapryjemstvaŭ i vialikaha kancerta ź fiejervierkam.
-
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było
-
20‑hadovaha minčuka zatrymali pierad tym, jak jon paśpieŭ pradać pieršuju dozu narkotyku 16‑hadovaj dziaŭčynie
-
U Minsku raspracujuć adzinyja pryncypy raźmiaščeńnia rekłamy ŭzdoŭž daroh
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary